O’zbekiston respublikasi qishloq xo’jaligi vazirligi andijon qishloq xo‘jaligi va agrotexnologiyalar inistituti

Doimiy  omborlarda  meva-sabzavotlarni  joylashtirish  tartibi.
  Sabzavot  va 
mevalar  doimiy  omborlarda  xirmonlarda  toʻkma  holda,  konteynerlarda,  yogʻoch 
yashiklarda yoki qoplarda saqlanadi.  
Karamni  oziq-ovqat  maqsadida  tokchani  eni  va  boʻyiga  qarab  taxlanadi. 
Tokchaning  kengligi  1  m,  balandligi  esa  0,6-0,8  m  boʻlib,  3-5  qavat  karam  boshlari 
joylanadi. 
Lavlagi, turp, sholgʻom kichik xirmonlarda (kengligi 3-4 m, uzunligi binoning kengligiga 
qarab) saqlanadi. Lavlagining xir-mondagi qatlami 1,2-1,5 m, turp va sholgʻom uchun 1 
metrgacha boʻladi. 
Piyoz  maxsus  toʻrli  qoplarga  joylangan  holda  shtabellarga  tax-lanib,  yoki  maxsus  4 
qavatli  stellajlarda  toʻkma  holda  saqlanadi.  Bunday  stellajlarda  piyoz  yaxshi  saqlanadi, 
ularni shamollatib turish va saqlanish holatini nazorat qilish juda qulaydi. 
Sabzi  va  boshqa  ildizmevalilar  tokchalarda  yoki  er  sathida,  har  qatlam  orasiga 
qum sepib, uyum yoki piramida shaklida yaxshi saqlanadi. Piramidalar oʻlchami: uzunligi 
2-7 m (omborxona kengligiga qarab), asosining kengligi 1 metrgacha, joylash balandligi 0,7-
0,8 m. Uyum balandligi: satx yoki ostki tokchada 0,7-0,8 m va Yuqori tokchada 0,5-0,6 m. 
Sabzini  er  sathida  saqlashda  piramida  ostiga  6-7  sm  qalinlikda  qum  sepiladi.  Ildizmevalar 
ustidan 4-5 sm qalinlikda qum sepiladi. Bir tonna sabzi uchun 0,5 m
3
 atrofida qum ketadi. 
Keyingi  yillarda  ildizmevalarni  idishlarda  saqlash  keng  qoʻllanmoqda.  Odatda  shu 
maqsadda 25-30 va 8-10 kg li yashiklar yoki katta hajmli konteynerlar ishlatiladi. Uning 
ijobiy tomoni shundaki, faol shamollatish va joylashtirish qulaylashadi, shuning-dek ombor 
maydonidan foydalanish imkoniyatlari kengayadi.