O'zbekiston respublikasi oliy va o'rta

Yoysimon tebranish— tayanishdan yoysimon harakat qilib osi- lishga o'tish.
Uchish —shug'ullanuvchining asbob bilan birgalikda tebranma harakat qilishi. Bir necha bor uchish uchib turish deyiladi.
Qo7orasidan aylanish— muayyan holatdan yelka bo'g'inini buraltirib, gavdaning yotiq o'qi atrofida aylanish. Bunday aylanish yo'nalishiga qarab oldinga va orqaga bo'lishi mumkin. Zarurat bo'lsa, qanday tebranish yordamida bajarilishi ko'rsatiladi, siltanish harakatlarini belgilash uchun quyidagi atamalar ishlatiladi:
O'tkazish— oyoqni vositalar ustidan harakatlantirish.
Aylanish— oyoqni yaxlit harakatlantirish, aylanishning quyida­gi turlari bo'ladi: o'ng oyoqda aylanish, o'ng oyoqdan chapga ayla­nish, chapdan orqaga aylanish, o'ngdan orqaga aylanish, burffib aylanish va boshq. Oyoqlarni bukmay jipslashtirib bajariladigan aylanish, ko'ndalang aylanish, kerishib aylanish va shu kabilar.
Chalishtirish— oyoqlarni bir-birining o'rniga qarama-qarshi o'tkazish. Bunday oddiy o'tkazishni qisqa qilib chalishtirish deyiladi. Chalishtirishning turlari esa kerakli aniqlik kiritib ataladi. Masalan, oyoqlarni bukib chalishtirish, teskari chalishtirish, burilib chalish­tirish va boshq.
Kirish —jihoz yonida dastlabki holatda turgan gimnastning tayanch qo'li atrofida aylana yasab burilib, dastaklarga tayanib qolishini ko'rsatuvchi atama. Bu mashq bir oyoqda aylana yasab bajarilishi ham mumkin.
O'tish— ijrochining jihozlarda qo'llarni ko'chirib tutib, o'ng yoki chap tomonga siljishi.
Chiqish— kirishga teskari harakat qilib, boshqa qismga o'tish.

Uchib o'tish —gimnast qo'llarini qo'yib yuborib, jihozning ikkinchi tomoniga, shuningdek, bir jihozdan ikkinchisiga yoki qo'shpoyaning bir yog'ochidan ikkinchisiga ko'chishi.
Sakrab tushish— gimnastika jihozlarida osilib yoki tayanib turgan holatdan yerga sakrab tushish. Sakrab tushishning oldinga tebranib, orqaga tebranib, oldinga yoki orqaga siltanib burilib, yoysimon, aylanib, to'ntarilib, qo'llarning orasidan salto kabi turlari mavjud.
Sakrash —oyoqlarda depsingandan keyin erkin parvoz qilib, ma'lum masofadan yoki to'siqdan o'tish.
Tayanib sakrash— qo'llarda qo'shimcha tayanib bajariladi. Tayanib sakrashning oyoqlarni bukib sakrash, oyoqlarni kerib sakrash, yonlama sakrash, burchakli sakrash, to'ntarilib sakrash kabi turlari bor.
Silkinish— depsingandan keyin oyoqlarni orqaga dastlabki siltash.
Akrobatik mashqlar atamalari
Dumalash —tayanchga birin-ketin qo'l tekkizib gavdani aylantirish. Dumalashning quyidagi turlari bor: oldinga dumalash, yonga dumalash, aylanma dumalash, orqaga bukilib dumalash.
G'ujanak bo'lish— gavdaning buklangan holati (tizzalar yelkalarga tortilgan, iliklarni tutgan qo'llarning tirsaklari biqinlarga yopishgan). G'ujanak bo'lishning yotib, o'tirib va cho'qqayib bajarish kabi turlari bor.
Umbaloq oshish —gavdaning awal tayanib, ketma-ket bosh orqali to'ntariladigan aylanma harakati. Umbaloq oshishning oldinga, qo'llarga va chap oyoqni siltab, qo'llarni yonga tutgan holdagi turlari mavjud. 1—2 va bir necha qadam yugurib, umbaloq oshish (yon tomonga).
Jihozlarda bajariladigan mashqlami yozish. Jihozlarda bajariladigan mashqlami yozganda jihozning nomini yozishdan tashqari quyidagilarni ham ko'rsatish shart:

1. 
   Dastlabki holat (osilishdan, tayanishdan, sakrab, yugurib kelish) yoki birinchi elementdan oldin bajariladigan harakat (tebranish, chayqalish).
   
2. 
   Harakat nomi (ko'tarilish, tashlanish, uchib o'tish. Aylanish, yelkadan aylanish).
   
3. 
   Bajarish usuli (keskin yozilib, yoysimon oldinga tebranib, to'ntarilib).