O’zbekiston respublikasi oliy va o’rta ta’lim vazirligi toshkent irrigatsiya va qishloq xo’jaligini mexanizatsiyalash muhandislari instituti

6.4. Elektrokimyoviy oksidlash texnologiyasini sanoatda qo'llanilishi 
 
 Elektrokimyoviy  oksidlash  texnologiyalari  rivojlangan  mamlakatlarda,  shu 
jumladan  AQSh,  Germaniya,  Yaponiya,  Frantsiya,  Italiya,  MDH  mamlakatlari  va 
Rossiyada,  keng  qo'llanilmoqda.  Elektrokimyoviy  oksidlash  natijasida  olingan 
qoplamalar quyidagi ikkita funktsional xossaga ega:  
1) atmosfera, ishqorlar va dengiz korroziyasidan himoyalaganligi;  
2) laklar, bo'yoqlar va polimerlarni qo'llashda oraliq qatlam sifatida adgezion 
faollikka (yaxshi yopishqoqligi) egaligi.  
Elektrolitlarga  mahsus  komponentlarni  qo‟shish  orqali  turli  ranglardagi 
oksidli qoplamalarni yaratish va udekorativ qoplamalar  sifatida ishlatish imkonini 
beradi. 
Elektrokimyoviy oksidlash tehnologiyasi kimyoviy oksidlashga nisbatan  bir 
qator afzalliklarga ega, ular quyidagilardan iborat: 
-  texnologik operatsiyalar soni sezilarli darajada kam; 
-  ventil  metallarning  qotishmalaridan  tayyorlangan  homakilarning  ishchi 
qismlarida oksid qoplamalarini shakllantirishga imkon beradi; 
-  ishlab  chiqilgan  universal  elektrolitlardan  foydalanib  elektrolitik  vannada 
bir vaqtning o'zida turli materiallardan tayyorlangan homakilarni qoplash imkonini 
beradi; 
- laklar va polimerlarga nisbatan yuqori adgezion faolikga ega bo‟lgan oraliq 
qatlamlarni   hosil qiladi; 
-  elektrokimyoviy  oksidlash  uchun  qo‟llaniladigan  elektrolitlar  yuqori 
barqarorligi bilan ajralib turadi; 
-  texnologiyani  sanoat  variantida  amalga  oshirish  texnologik  uskunalarni 
joylashtirish uchun ancha kichik maydonlarni talab qiladi; 
- oksid qoplamalar oson tiklanadi; 
-  kimyoviy  oksidlashga  qaraganda,  ishlab  chiqarishning  atrof-muhitga 
nisbatan yuqori darajada zararsiz ekanligi, zaxarli moddalardan foydalanishni talab 
qilmaydi.