O`zbekiston respublikasi oliy va o`rta maxsus

4.  Fuqarolarning  o`zini  o`zi  boshqarish  organlari  tushunchasi,  shakllanish  tartibi  va 
vakolatlari. 
Prezident  I.A.Karimov  O`zbekiston  Respublikasi  Konstitutsiyasining  bir  yilligidagi 
yig`ilishida  «posyolka  va  ovullar,  mahallalar  o`zini-o`zi  boshqarish  asosida  ish  yuritadi»,-  deb 
ta`kidlagan edi. 
«Fuqarolarning o`zini-o`zi boshqarish organlari to`g`risida»gi qonun yangi tahrirda 1999 yil 
14  aprelda  qabul  qilindi.  Ushbu  qonunga  ko`ra  o`zini-o`zi  boshqarish  organlarini  ikki  bosqichda: 
oldin yangi qishloq, shahar va ovullar tuzib, undan keyin shahardagi mahallalarda oldingi mahalla 
qo`mitalari  o`rnida tuzilishi belgilandi. 
O`zini-o`zi  boshqarish  organlarining  saylash  tartibi,  faoliyatini  tashkil  etish  hamda  vakolat 
doirasi  qonun  va  o`zini-o`zi  boshqarish  organlari  saylov  to`g`risidagi  Oliy  Majlis  qarori  bilan 
belgilanadi. 
O`zini-o`zi  boshqarish  har  qanday  demokratik  tuzumning  asosini  tashkil  etadi.  O`zini-o`zi 
boshqarish  organlari  amaliy  ish  olib  borishi  uchun  yig`in  raisi  (oqsoqol)ni  va  uning 
maslahatchilarni saylaydi. Bu saylov har 2,5 yilda bo`ladi. 
Fuqarolarning  o`zini-o`zi  boshqarish  organlari  fuqarolarga  jamoat  va  davlat  boshqaruv  ishlarida 
qatnashish huquqini yo`lga qo`yishda yordam beradi, o`z hududida ijtimoiy va xo`jalik masalalarni 
echadi,  ommaviy  va  madaniy  tadbirlar  uyushtiradi,  davlat  hokimiyat  organlari  ishlarida  va 
O`zbekiston  Respublikasi  qarorlariga  amal  qilishda,  Prezident  Farmonlari  Respublika  hukumati, 
xalq deputatlari Kengashi va hokimiyatlar qarorlarini bajarishda fuqarolarni birlashtiradi. 
1999  yil  noyabr  oyida  Respublika  Oqsoqollar  Kengashi  tuzildi  va  tarkibi  belgilandi. 
O`zbekiston  «Oqsoqollar Kengashi» va Respublika  «Mahalla»  jamg`armasi  fuqarolarning  o`zini-
o`zi  boshqarish  organlari  faoliyatini  yanada  to`g`ri  yulga  qo`yishda  moddiy  va  ma`rifiy    jihatdan 
ko`maklashmoqda. 
O`zini-o`zi  boshqarish  organlari  moliyaviy  resurslari  xalq  deputatlari  tuman  va  shahar 
Kengashlari  tomonidan  ajratiladigan  byudjet  mablag`laridan,  fuqarolar  va  mehnat  jamoalarining 
ixtiyoriy  xayr-ehsonlaridan,  xayriya  jamg`armalari  va  mahalliy  hokimiyat  tomonidan  ajratib 
beriladigan mablag`lardan tashkil topadi. 
O`zini-o`zi  boshqarish  organlarining  moliyaviy  mablag`lari  bankdagi  mustaqil  hisob 
raqamlarida saqlanadi, ular tomonidan mustaqil tasarruf etiladi va olib  qo`yilishi mumkin emas. 
Qonunga muvofiq o`zini-o`zi boshqarish organlarining moliyaviy qarorlari, shuningdek rais 
(oqsoqol)ning xatti-harakatlari ustidan sud tartibida shikoyat qilinishi mumkin.