O’zbеkiston Rеspublikasi Oliy va o`rta maxsus

Paramagnetiklar. Paramagnetiklarning molekulalari noldan farqli xususiy magnit momentlariga ega. Magnit maydon bo'lmaganda bu momentlar betartib joylashgan bo'lib, jismning magnitlanish vektori nolga teng bo’ladi.
Paramagnetik tashqi maydonga kiritilganda alohida atomlar va molekulalarning magnit momentlari maydon bo'ylab joylashib qola­di. Natijada paramagnetiklarning xususiy maydoni tashqi magnit maydonini kuchaytiradi, ya'ni tashqi magnit maydonning kuchayishi ro'y beradi (µ>1)
Paramagnetiklarning magnitlanishi temperaturaga bog'liq bo’ladi va temperatura ortishi bilan magnit singdiruvchanligi yomonlashadi. Bunga sabab, issiqlik betartib harakati natijasida atom va molekulalar magnit momentlarining tashqi maydon ta'sirida egallagan o'zaro joylashuvlarining buzilishidir Paramagnetiklarning magnit singdiruvchanligi, diamagnetiklarniki kabi tashqi magnit maydon induksiyasiga bog'liq emas.
Paramagnetiklarga kislorod, aluminiy, platina va ishqor hosil qiladigan metallar kiradi.
Ferromagnetiklar. Ferromagnetizm — paramagnetizmning chegara holi hisoblanadi. Ferromagnetiklar — kuchli magnetiklar hisoblanib, o'z-o'zidan magnitlanib qolishi mumkin. Hattoki tashqi magnit maydon bo'lmaganda ham ular magnitlanish qobiliyatiga ega bo’ladilar. Ularning yana bir alohida xususiyatlari magnitlanishlarining tashqi maydonga bog'liqligining murakkab xarakterga ega ekanligidir.
Agar diamagnetik va paramagnetiklar uchun magnitlanishning tashqi maydon kuchlanganligiga bog'liqligi chiziqli bo'lsa, ferromagnetiklar uchun ancha murakkabdir. Dastlab magnitlanish tez ortadi, so'ngra esa sekinlashib ma'lum qiymatga ega bo'lgandan so'ng o'zgarmay qoladi. Magnitlanishning bu qiymatiga to'yinish qiymati deyiladi. Bunday bog'lanishni quyidagicha tushuntirish mumkin. Tashqi maydon kuchayishi bilan molekulalar magnit momentlarining may­don bo'ylab joylashib qolishi ortadi. Magnit momentlari maydon bo'ylab joylashmagan molekulalar soni kamaygan sari magnitlanishning o'sishi ham kamaya boradi va nihoyat barcha magnit momentlari maydon bo'ylab joylashib bo'lganidan so'ng magnitlanishning to'yingan qiymatiga erishiladi.