O‘zbekiston respublikasi oliy va o‘rta maxsus ta’limi vazirligi namangan davlat universiteti

Tadqiqot obyekti. Tadqiqot vazifalari va tahlil uslubi taqozosiga ko‘ra uslubiyat, publitsistikaga doir darslik, qo‘llanmalar, maqolalar, shu mavzuga daxldor ilmiy ishlar va eng asosiysi radio, televideniya, gazeta, turli xil lavhalar va jurnal matnlarini manbaa sifatida oldik. Shu bilan birga internet ma’lumotlariga ham e’tiborimizni qaratdik. Mustaqillikdan keyingi davrdagi o‘zgarishlarni isbotlash uchun Mustaqillikkacha nashr etilgan gazeta va jurnallardan ham foydalandik.
Tadqiqotning metodologik asoslari va tadqiq usullari. Prezidentimiz Sh.M.Mirziyoyevning milliy mafkura, milliy qadriyatlarimiz, ijtimoiy hayotimizni yanada farovonlashtirish va bugungi kun tilshunosligini rivojlantirish maqsadida qabul qilgan qarorlari va bir qator tilshunos olimlarimizning kitoblari, ilmiy maqolalari magistrlik dissertatsiyamizning metodologik asosini tashkil qiladi. Asosan, semantik-stilistik, komponent tahlil, tavsiflash, qiyoslash usullaridan foydalanildi. E.Qilichev, S.Sultonsaidova, O‘.Sharipova, A.Shomaqsudov, I.Rasulov, R.Qo‘ng‘urov, X.Rustamov, O.Tog‘ayev, A.Abduazidov, A.Babayeva, D.Boboxonovalarning ilmiy tadqiqotlari va o‘quv qo‘llanmalariga asos sifatida tayanildi.
Tadqiqotning ilmiy yangiligi.
– publitsistik uslubning yuzaga kelish taraqqiyotini bayon etildi;
– mustaqillik davri publitsistik uslubining leksik xususiyatlari yoritildi;
– mustaqillik davri publitsistik uslubida qo’llanayotgan termin va neologizmlar o‘rganildi;
– bugungi kun publitsistikasida adabiy me’yor masalalariga qanday amal qilinayotgani ko‘rib chiqildi;
– mustaqillik davri publitsistikasining sintaktik xususiyatlari o‘rganildi.
Magistrlik dissertatsiyasining tuzilishi va hajmi. Ushbu ilmiy ish kirish, uch asosiy bob, xulosa va foydalanilgan adabiyotlar ro‘yxatidan iborat.


I BOB. VAZIFAVIY USLUBLAR TASNIFI. PUBLITSISTIK USLUB VA UNING JANR XUSUSIYATLARI.

1. 
   Publitsistik uslubning vazifaviy uslublar doirasida tutgan o‘rni va zamonaviy globallashuv saroitida unga qo‘yiladigan talablar.