O‘zbekiston respublikasi oliy va o‘rta maxsus ta’lim vazirligi z. M. Mukimov

partiya shakllantiriladi. Donlarni don tozalash sexlariga yuborishdan oldin 
tarozida tortib, miqdori hisobga olinadi. 
Don  tozalash  sexlarida  asosan  chiqindilardan  tozalash,  saralash, 
namlash va dimlash jarayonlari o‘tkaziladi. Donlarga GTI berish natija-
sida ularning mexanik tuzilishi o‘zgarib, qobiq, murtakning endosper-
madan ajralishi osonlashadi (qobiqlar bo‘shashib, mag‘iz  esa mustah-
kamlanadi),  yana  oqlash  koeffitsiyenti  ko‘tariladi,  bu  esa  yormaning 
«vixod»ini oshirishga olib keladi 
GTI  yormaning  sifat  bahosini  yaxshilab,  uning  hajmini  oshirib, 
taom tayyorlash jarayonini qisqartiradi. 
Yorma  ishlab  chiqarish  texnologiyasi,  un  ishlab  chiqarish 
jarayonidan  farqlanadi.  Texnologiyalarning  farqi  shundaki,  tegirmon-
larda donni maydalab, un qilib yuborilsa, yorma ishlab chiqarish uchun 
don mag‘zi ezilmasdan, butun holda qoldiriladi. 
Un  tegirmonlarida  donni  namlash,  dimlash  jarayonlari  asosiy 
jarayon hisoblanca, yorma korxonalarida esa namlash yordamchi jara-
yon hisoblanadi. Yormabop donlarni oqlashda eng samarador texnolo-
gik  jarayonlardan  biri  ularga  qulay  tarzda  gidrotermik  (bug‘lash, 
quritish, sovutish) va ma’lum vaqtgacha dimlab ishlov berishdir. Yorma 
sexi oqlash bo‘limining texnologik chizmasida yorma ishlab chiqarish 
jarayoni  misol  tariqasida  berilgan  bo‘lib,  qaysi  yorma  ishlab  chiqari-
lishiga  qarab  chizmaga  yangi  jarayonlar  qo‘shilishi  natijasida  u 
qisqarishi mumkin.