O‘zbekiston respublikasi oliy va o‘rta maxsus ta’lim vazirligi z. M. Mukimov

 
121-rasm. Maydalangan yormani nazorat qilish: 
K1 – yirik yorma; K2 -o‘rta yorma; MZ – mayda yorma; M – kepak; 
1-yormani dastlabki saralash; 2-kalibrlash;  
3-pnevmoseparatsiyalash; 4-magnit separatori; 5-avtomat tarozi. 
 

---

276 
 
 
122-rasm.  Kepak va qovuzni nazorat qilishi texnologiyasi: 
1-rassev; 2-pnevmoseparator; 3-magnit separatori; 4-tarozi. 
Yorma sifati uning rangi, hidi, ta’mi kabi yormaning yaxshi saq-
langanligini  belgilovchi  organoleptik  ko‘rsatkichlar  bilan  tavsiflanadi. 
Umumiy  tahlil  o‘tkazilganda  yormaning  namligi,  o‘lchamlariga  ko‘ra 
tenglashtirilganligi, sifatli yadro miqdori, tarkibidagi zararli va metallo-
magnit  aralashmalar,  ombor  zararkunandalari  bilan  zararlanganligi 
aniqlanadi.  Organoleptik  baholashda  yuzaga  ishlov  berish  darajasi 
(etalon  bilan  solishtirganda)  va  ayrim  zarrachalarning  shakli  kabilar 
kiradi. Ba’zi turdagi yormalar, masalan makkajo‘xori, suli bodrog‘i va 
talqoni uchun kuldorlik belgilanadi.  
Makkajo‘xori  yormasi  uchun  shuningdek  tarkibida  murtakning 
mavjudligi  aniqlanadi,  chunki  uning  yorma  tarkibiga  tushishi  saqlash 
muddatlariga  salbiy  ta’sir  etishi  mumkin.  Yormaning  yuqori  navli, 
asosan  sifatli  mag‘iz  miqdori  bilan  belgilanadi,  chunki  sifatli  yadro 
yormaning tozaligini ko‘rsatadi. Bu  ko‘rsatkich aralashmalar umumiy 
miqdorining 100%dan chiqarib tashlash bilan aniqlanadi. Yuqori navli 
yormada  bu  ko‘rsatkich  har  doim  99%dan  ko‘p.  Yormaning  namligi 
oqlangan  sholi  uchun  15,5%gacha,  suli  uchun  12,5%gacha  o‘zgarib 
turadi.  Yorma  rangi,  hidi  va  ta’mining  har  xil  o‘zgarishlari  yoki 
yormaning  o‘zida  yoki  yorma  saqlanayotgan  binoda  yuz  berayotgan 
salbiy jarayonlarni ko‘rsatadi. Sifatli yorma tarkibida ta’m bilish va hid 

---

277 
sezish  a’zolariga  ta’sir  ko‘rsatuvchi  moddalar  bo‘lmaydi.  Yorma 
normal  yormaga  xos  rang,  hid  va  ta’mga  ega  bo‘lishi  kerak.  Yorma 
sifati, shuningdek, alohida yorma doni shakliga ko‘ra va ular yuzasining 
holatiga  ko‘ra  baholanadi.  Bu  yerda  obyektiv  baholash  mezoni  yo‘q, 
shuning  uchun  baholash  organoleptik,  ya’ni  tashqi  ko‘rinishi  etalon 
bilan  taqqoslab  amalga  oshiriladi.  Ma’lumki,  to‘g‘ri  baholash  faqat 
bajaruvchining tegishli tajribasiga asoslanishi mumkin. Shu munosabat 
bilan  obyektiv  baholash  mezonlari  –  kuldorligi,  yuzasining  tiniqlik 
koeffitsiyenti,  tarkibida  murtakli  donning  mavjudligi  va  boshqalarni 
joriy  etish  katta  amaliy  ahamiyatga  ega  bo‘lishi  mumkin.  Yormaning 
mahsulot  sifatidagi  ko‘rinishi  ko‘p  jihatdan  yormaning  o‘lchamlariga 
ko‘ra  baravarlanishi  bilan  belgilanadi.  Standartlar  butun  yorma  tar-
kibida  maydalangan  zarrachalar,  shuningdek  maydalangan  yorma 
tarkibida  yorma  raqamini  tavsiflovchi  foizli  miqdordagi  zarrachalar 
mavjudligini  cheklaydi.  Yormadagi  metallomagnit  aralashmalarning 
miqdori 1 kg da 3 mg dan oshmasligi kerak. Metallomagnit aralashmalar 
alohida  bo‘laklarining  o‘lchami  eng  katta  uzunlik  o‘lchovida  0,3  mm 
dan,  ruda  va  shlaklar  alohida  bo‘laklarining  massasi  esa  0,4  mg  dan 
oshmasligi  kerak.  Ombor  zararkunandalari  bilan  zararlanishga  yo‘l 
qo‘yilmaydi.