O‘zbekiston respublikasi oliy va o‘rta maxsus ta’lim vazirligi yo‘l harakati qoidalari va harakat xavfsizligi asoslari fanidan Amaliy mashg’ulotlarni bajarish uchun uslubiy ko’rsatma

267-modda. Transport vositasini olib qochish

Transport vositasini olib qochish uch yildan besh yilgacha ozodlikdan mahrum qilish bilan jazolanidi.

O‘sha harakat:

a) takroran yoki xavfli retsidivisit tomonidan;

b) bir gurux shaxslar tomonidan oldindan til biriktirib sodir etilgan bo‘lsa, -besh yildan o‘n yilgacha ozodlikdan mahrum qilish bilan jazolanadi. (O‘zR 29.08.2001 y. 254 II-son qonuni tahriridagi sanktsiya).

268-modda. Transportning xavfsiz ishlashini ta’minlashga doir qoidalarni buzish

Yo‘lovchi, piyoda, velosiped, ot-ulov transportining haydovchisi yoki yo‘l harakatining boshqa qatnashchilari tomonidan, jinoyat kodeksining 261, 26, 265, yoki 266- moddalarida nazarda tutilgan shaxslardan tashqari harakat xavfsizligi qoidalarini yoki barcha turdagi transport vositalaridan foydalanish qoidalarini buzish badangga o‘rtacha og‘ir yoki og‘ir shikast yetkazilishiga sabab bo‘lsa- eng kam oylik ish haqqining yigirma besh baravarigacha miqdorda jarima yoki uch yilgacha axloq tuzatish ishlari yoxud uch yilgacha ozodlikdan mahrum qilish bilan jazolanadi.

O‘sha harakat odam o‘lishiga sabab bo‘lsa, - olti oygacha qamoq yoki uch yildan besh yilgacha ozodlikdan mahrum qilish bilan jazolanadi.

O‘sha harakat:

a) odamlar o‘limiga:

b) boshqa og‘ir oqibatlarga sabab bo‘lsa,besh yildan sakkiz yilgacha ozodlikdan mahrum qilish bilan jazolanadi.