O‘zbekiston respublikasi oliy va о‘rta maxsus ta’lim vazirligi

Ifodali oʻqish. Boshlangʻich taʻlim tizimida mantiqiy oʻqish (matnni toʻgʻri, tushunib, tez (meʻyorida) oʻqish) va adabiy oʻqish mukammal oʻzlashtirilganidan soʻng ifodali oʻqishga oʻtiladi.
Nasriy asarlarni ifodali oʻqishdan oldin unda qanday gʻoya ilgari surilayotganini aniqlash zarur. Masalan, 4-sinfda X. Toʻxtaboevning «Xatosini tushungan bola» hikoyasini ifodali oʻqishdan oldin oʻquvchilarga xatosini tushungan bola kim ekanligi, uning xatosi nimalardan iborat boʻlganligi, maqtanchoqlikning illat ekanligi toʻgʻrisida tushuncha beriladi.
Sinfda oʻqishning muvaffaqiyatini taʻminlaydigan omillardan biri tanlab oʻqishdir. Masalan, 3-sinfda X. Toʻxtaboevning «Hassa» hikoyasi bilan tanishish jarayonida Qobil boboning savollariga SHavkatning javoblari yoki S. Anorboevning «Bahs» hikoyasidagi bolalarning bahslashish epizodi yuzasidan oʻqituvchi topshirigʻiga koʻra mazkur oʻrinlarni tanlab qayta oʻqilishi natijasida ushbu asarlarning badiiy-estetik qimmatini chuqurroq oʻzlashtirishga erishiladi.
SHuni taʻkidlab oʻtish kerakki, har bir darsda qanday metoddan foydalanish, darsda qanday usullarni qoʻllash oʻqituvchi tomonidan oldindan belgilab olinishi va puxta ishlab chiqilishi kerak.

Oʻqish malakalarining sifatlari va
ularni takomillashtirish yoʻllari

Dastur talablarini toʻliq bajarish va amalga oshirish uchun, birinchi navbatda, oʻqish koʻnikmalarini toʻgʻri va puxta egallash va takomillashtirib borish zarur. Oʻqish koʻnikmalari savod oʻrgatish jarayonida shakllanadi, oʻqitishning keyingi bosqichlarida takomillashadi.

Oʻqish malakalarining sifatlariga badiiy asar matnini toʻgʻri, tez, ongli va ifodali oʻqish kiradi. Oʻqish darslarida oʻquvchilarning oʻqish malakalari shakllantiriladi va takomillashtiriladi.
Oʻqish darslarida asar ustida ishlashni shunday tashkil etish kerakki, asar mazmunini tahlil qilish oʻqish malakalarini takomillashtirishga yoʻnaltirilgan boʻlsin.