O‘zbekiston respublikasi oliy va o‘rta maxsus talim vazirligi

Dissertatsiya maqsadi va vazifalari. Dissertatsiyaning maqsadi kimyo korxonalarining misolida energetik auditlarni o‘tkazish, uslubiyotini o‘rganish va shu asosda korxonalarning energetik balansini tuzish, muqobil energiyadan foydalanish ko‘lamini kengaytirish hamda energiyani tejash bo‘yicha tavsiyalarni ishlab chiqish.
Qo‘yilgan maqsadni amalga oshirish uchun, ushbu ishda quyidagi vazifalar xal qilinadi:
- sanoat korxonalarida, ayniqsa energiyaning eng yirik iste’molchilari bo‘lgan kimyo sanoati korxonalarida, energetik auditni o‘tkazish xususiyatlarini va energiyani tejash masalalarini o‘rganish;
- sanoat korxonasidagi energiya iste’moli, hozirda mavjud bo‘lgan energiyani hisobga olish tizimi va ishlab chiqarilayotgan maxsulotlarning energetik sig‘imliligini tahlil qilish;
- korxonadagi elektr balanslarni tuzish, elektr energiyasining isroflarini aniqlash va shu asosda energiyani tejash bo‘yicha tadbirlarni ishlab chiqish va ularni joriy etishga tavsiyalar berish.
Dissertatsiyaning amaliy ahamiyati. Dissertatsiyada olingan natijalardan foydalanish, kimyo korxonalarining elektr ta’minoti sistemasidagi energiya isroflarini kamaytirish va energiyadan tejamli foydalanish imkoniyatini beradi.
Dissertatsiyaning ilmiy-uslubiy tomonlari. Kimyo korxonalari energetik tekshiruvni o‘tkazishning o‘ziga hos xususiyatlari atroflicha o‘rganilib, bu asosda energiyani tejash tadbirlari bo‘yicha tahlil amalga oshirilgan.
Tadqiqot predmeti. Dissertatsiyada tadqiqot predmeti sifatida energetika ta’minoti tizimi bo‘yicha energetik auditni o‘tkazish, energiyani tejash tadbirlari va qurilmalari qabul qilingan.
Tadqiqot ob’ekti. «Farg’onaazot» OAJ sining energetika tizimidagi energiyaning iste’moli tadqiqot ob’ektidir.
Dissertatsiyaning tuzilishi. Dissertatsiya Kirish, 3 bob, xulosalar, foydalanilgan hamda o‘rganilgan adabiyotlar ro‘yxati, ilovalaridan tashkil topgan va ilovalardan tashqari 74 betdir.


I - bob. SANOAT ISSIQLIK ENERGETIKA KOMPLEKSIDA ENERGIYa ISROFLARINI KAMAYTIRISh