O`zbekiston respublikasi oliy va o’rta maxsus ta’lim vazirligi

20.Mavzu: Maktabgacha ta’lim tashkilotlarining maktabga
tayyorlov guruhlarda plastilin (loy) bilan ishlash.
Reja:
1. Maktabga tayyorlov guruhda loydan buyum yasashda o’yinchoq yasashga o’rgatish usullari.
2.Maktabga tayyorlov guruh bolalarini loydan buyum yasash haqidagi tushunchalarini rivojlantirishda “Ilk qadam” tayanch dasturi vazifalari.
3.Loydan buyum yasashga o’rgatish mashg’ulot loyihasi tuzish.
Maktabga tayyorlov guruhlarda loydan buyum yasash mashg’uloti.
Mashg’ulotning mavzusi: “Kulol ustaxonasiga sayohat”.
Dastur mazmuni:
Bolalarni o’zlari yashab turgan Vataniga nisbatan mehr xissini uyg’otish, shahrimizdagi ko’zga ko’rinarli binolarni bilishga o’rgatish. Bolalarni hunarmandlar, ular yaratgan buyumlar, ularni nimalardan yasalganligini bilishga o’rgatish. hunarmandlar mehnatiga nisbatan qiziqishlarini orttirish.
Savollarga to’liq javob berishga, suratlarni diqqat bilan kuzatish va to’g’ri xarakatlana olishga o’rgatish. Loyni bir necha bo’laklarga bo’lib turli narsalar yasashga o’rgatish, kaft, barmoq muskullarni rivojlantirib borish.
Mashg’ulotning borishi:
Bolalar biz sizlar bilan Rishtondagi Mahmud ota ustaxonasiga sayohat qilamiz. Rishtonga nimada borar ekanmiz deb o’ylanyapsizmi. Bolalar biz bugun ertaklardagi sehrli gilamda sayohat qilamiz. Ertakchi buvimiz menga gilam jo’natgan edilar. Mana bu gilamda sizlar bilan sayohat qilamiz.
Gilam solinadi. Bolalarni gilamchaga o’tkazib olinadi.
Bolalar negadir gilamcha ko’tarilmayapti. Gilamcha ikki, uch
marta aytiladi. Gilamcha pichirlab nimalardir demoqda. Ha
bizga o’z Vatanimizni bilasizmi deyapti.
Vatanimiz nomi nima?
Poytaxti qayer?
Mustaqillikka erishganimizga necha yil bo’ldi?
Qanday ramzlarimiz bor?
Bolalar, gilam qimirlab ko’tarilmoqda.
Gilamda uchib borayotib turlicha suhbatlashib boriladi. Bolalar sehrli gilam Vatanlarning nomini yaxshi bilishar ekan. She’rlar ham bilishadimi?, deb so’rayapti.
2-3 bola she’ri.
Bolalar, qarang, xuv anavi tosh yonida ajoyib bir narsa ko’rinyapti, kelinglar ana shu narsani ko’raylikchi, sehrli gilam pastlayapti.
Mana yerga ham tushib oldik. Bolalar mana bu narsani qaranglar, bu nimaga o’xshaydi? Nimadan yasalibdi.
Bolalar bundan ovoz kelayapti.
Ko’zani yerga qo’yib qo’yiladi, og’zini ochiladi.
Devning chiqishi:
Devning savollari.
Siz qayerdan kelayapsiz?
U qayerda joylashgan?
U shahar qayerda o’zi?
U shaharda kimlar yashaydi, nimalar joylashgan?
Hunarmandlar ular nimalar yasaydi, qanday ishlarni bajaradilar? Dev: bolalar men ham sizlar bilan borsam bo’ladimi?
Yana sehrli gilamga chiqiladi.
Bolalar kelinglar yo’lda zerikmaslik uchun bir qo’shiq kuylaymiz. Mana qo’shiqni kuylab borib Rishtonga kelib qolganimizni bilmay qoldik. Gilamcha to’xta!
Usta Mahmud tog’a ustaxonasiga kirib salomlashamiz.
Usta Mahmud tog’a bolalar savollariga javob beradi.
Suhbatlashadi.
Suratli hunarmand yasagan buyumlar asosida o’yin.
Bolalar guruhlarga bo’linib stullarga o’tiradilar, har bir stoldan bir bola borib, kulol usta yasagan buyumlardan olib yasaydilar.
Kulol ustani bolalar ishlari asosida savol javob.
Usta tog’a biz yasagan narsalarimizni tandiringizda pishirib bersangiz. Biz ungacha hovlingizda o’yin o’ynab turamiz.
Savol va topshiriqlar:
1.Amaliyot jarayonida maktabga tayyorlov guruhda loydan buyum yasash faoliyatini markazda kuzatish.
2.Maktabga tayyorlov guruh uchun dastur asosida loydan buyum yasash faoliyati loyihasi yozish.
3.Dastur mavzulari asosida loydan buyumlar yasash.