O`zbekiston respublikasi oliy va o’rta maxsus ta’lim vazirligi

33.Mavzu: Maktabgacha ta’lim tashkilotlari o’rta guruhlarda qurish-yasash
Reja:
1. O’rta guruhda bolalarni qurish-yasashga o’rgatishning ahamiyati.
2. Tayyor qurilish materiallaridan qurish-yasash.
3.Bolalarni qog’ozdan qurish-yasashga o’rgatish.
O’rta guruhda qurish-yasashning asosiy vazifasi bolalarni o’z kuzatishlari bilan qurishga va yasay olishga o’rgatishdir. Kichik guruhda hosil qilingan qurish-yasash tajribalari bu guruh bolalarini qurilish uchun kerakli material tanlashga, qurilish qanday bo’lishini – katta yoki kichik, baland yoki past bo’lishini o’ylab ko’rishga o’rgatishga imkon beradi.O’rta guruhda qurish-yasash malakalarini o’stirish, simmetriya tuyg’ularini rivojlantirish, qurilishni bezatish vazifalari, kichik guruhga qaraganda, ancha aniqroq qo’yilishi mumkin. Shu bilan birga, kichik guruhda hosil qilingan ko’nikmalar mustahkamlanadi va mukammallashtiriladi. Juda ko’p xil geometrik jismlardan foydalanish ancha murakkabroq qurilmalar yasashga imkon beradi.Tarbiyachi qurish-yasash ishi davomida bolalarni yangi-yangi geometrik jismlar bilan tanishtiradi. Bolalar kichik guruhda tanishgan kub va to’rt qirrali prizmadan tashqari, yana ular tsilindrni, uch qirrali prizmani bilib oladilar. Ular quyi guruhda hosil qilingan fazo haqidagi tasavvurlarini mustahkamlaydilar va aniqlaydilar, shuningdek, ba’zi yangi fazoviy yo’nalishlarni bilib oladilar.
Bolalar qurilish materiallaridan uy, darvoza, temir yo’l, ko’prik, metro, minora, poezd, paroxod qurishlari mumkin. Ba’zi qurilishlar kichik guruhda yasalganlarning xuddi o’zginasidir, lekin bular ancha murakkabroq, juda ko’p bezaklarga egadir.Tarbiyachining rahbarligi ostida 5-6 yashar bolalarda qurilish o’yinlariga nisbatan doimiy qiziqish hissi tarkib topadi; lekin tarbiyachi bunday qiziqishni hamisha qo’llab quvvatlashi va yana ham murakkabroq qilib qurish usullarini ko’rsatib, ancha murakkab va yangi xil qurilish materiallarini berib, bolalarni doimo yo’lga solib borishi lozim.Har bir qurilish mazmunli va bola uchun amaliy yoki o’yin ahamiyatga ega bo’lishi kerak.