O`zbekiston respublikasi oliy va o’rta maxsus ta’lim vazirligi

24. Mavzu:Maktabgacha ta’lim tashkilotlari kichik guruhlarida applikatsiya qilishga o’rgatish.
Reja
1.MTTlarda o’tkaziladigan qirqib-yopishtirish faoliyatlarining ahamiyati.
2.Qirqib-yopishtirish faoliyatlari turlari.
3.Kichik guruhda qirqib-yopishtirishga o’rgatishning vazifalari.
4.Kichik guruhda qirqib-yopishtirishga o’rgatishning dastur mazmuni.
Kichik guruhda qirqib - yopishtirish mashg’uloti.
Mashg’ulotning mavzusi: Jo’jalarim.
Dastur mazmuni:Bolalarni rang va shakllar bilan tanishtirishda davom etish, jo’jalarni tana qismlari, yashash sharoitlari haqidagi tasavvurlarini kengaytirish, “jo’jalarim” o’yinini o’ynatish orqali ularda quvnoq kayfiyat uyg’otish, ularni jonli tabiatga nisbatan mehr – muhabbat ruhida tarbiyalash, jo’jalarni ovoziga taqlid qilishga, berilgan shakllarni qog’oz sathiga to’g’ri joylashtirishga, xamir va mo’yqalamdan ozodalik bilan foydalanishga, boshlagan ishlarini oxiriga yetkazib qo’yish malakalarini o’stirib borishga o’rgatish.
Ishni mazmunini tushungan holda ishni oxiriga yetkazishni o’rgatish, tarbiyachini so’zlariga diqqat bilan quloq solishga, o’rtoqlariga xalaqit bermaslikka odatlantirish. Rangli qog’oz, yelim bilan ishlashda batartiblilikka o’rgatish.
Kerakli jihozlar:
Jo’jalarning qog’ozdan tayyorlangan nusxasi, oq, rangli qog’ozlar, mo’yqalam, xamir, laxtakchalar.
Mashg’ulotning borishi:
“Jo’jalarim” o’yinini o’ynatish.
Tarbiyachi: bolalar o’yinimiz sizlarga yoqdimi, unday bo’lsa hali sayrda yana davom ettiramiz, bolajonlar sizlar jo’jalarni yaxshi ko’rasizlarmi?
Bolalar javobi…
Tarbiyachi: - jo’jalarimizni rangi qanaqa?
Bolalar: - sariq, qora, ola – bula.
Tarbiyachi: - ular nimalar yeydilar?
Bolalar: - don, ko’katlar, qurtlar, suv ichadilar.
Tarbiyachi: - jo’jalarimizni nimalari bor?
Bolalar: - ko’zlari, oyoqlari, patlari, qanotlari…
Tarbiyachi: - oyoqlari nechta?
Bolalar: - … …
Tarbiyachi: - ko’zlari – chi?
Bolalar: - … …
Tarbiyachi: - tumshug’i nechta?
Bolalar: - … …
Tarbiyachi: jo’jalar qanday ovoz chiqaradilar?
Bolalar: - … …
Tarbiyachi: - bolajonlar jo’jalarimiz o’ynab, charchadilar. Qornilari ochqab qoldi, kelinglar ularni ko’katlar bilan mehmon qilamiz.
Bolalar stol tomonga o’tadilar.
Tarbiyachi: bolajonlar diqqat bilan menga qarab turinglar, mo’yqalamni o’ng qo’limiz bilan ushlab birinchi ko’katni yopishtiramiz. Ko’kat qanday rangda?, qayerdan o’sib chiqadi? Shuning uchun uni yerga yopishtiramiz, keyin esa jo’jamizni tana qismini yopishtiramiz, tanasi nimaga o’xshayapti? To’g’ri, tuxumga, endi boshini yopishtiramiz, boshi qanday shaklda? To’g’ri, doira shaklida, qizil qalam bilan tumshug’i, ko’zi, oyog’ini chizib qo’yamiz.
Mashg’ulot yarmida jismoniy daqiqa:
Biz ishladik, ishladik,
Ishlay, ishlay charchadik.
Qo’llarimiz 5 barmoq
Maqsadimiz ko’p bilmoq.
Qo’g’irchog’imiz Lolaxon guruhimizga mehmon bo’lib kelgan, kelinglar Lolaxonni xursand qilib jo’jalarni ozoda, chiroyli qilib yopishtiramiz, so’ngra Lolaxon bilan birgalikda
bolalarni rag’batlantiriladi.
Keyin sayrga chiqib ketadilar.
Savol va topshiriqlar:
1.Amaliyot jarayonida kichik guruhda qirqib yopishtirish faoliyatini san‘at markazida kuzatish.
2.Kichik guruh uchun dastur asosida qirqib yopishtirish faoliyati loyihasi yozish.
3.Dastur mavzulari asosida qirqib yopishtirish namunalari yasash.