O‘zbekiston respublikasi oliy va o’rta maxsus ta’lim vazirligi

Xulosa

Aktyorlik mahorati elementlari va aktyorning o‘z ustida ishlash imkoniyatlari qanchalar keng bo‘lsa, bu jabhaning inson tomonidan o‘zlashtirilishi zarur bo‘lgan jihatlari ham shunchalik xilma - xildir. Ayni shu xilma - xillikning jozibasini ilg‘ab amalda qo‘llash orqali odamlarga zarur bo‘lgan fikrlarni yetkaza bilish va ularni teatr san’ati va san’atning boshqa turlariga oshno etish mas’uliyati aktyorlik mahorati elementlarini mukammal egallash nechog‘lik muhim ekanligini ko‘rsatadi, desak mubolag‘a bo‘lmaydi.

Aktyor shiddatli tarzda taraqqiy etib borayotgan dunyo bilan hamnafas bo‘lgani holda tevarak atrofdagi voqea-hodisalarni sinchkovlik bilan, mulohazalar asnosida kuzatib, chuqur o‘rganib, tahlil qila olishi kerak.

O‘z ustida ishlayotgan aktyor tomoshabin oldidagi chiqishning nechog‘lik mas’uliyatli ekanini yaqqol tasavvur etib, mana shu tasavvurga mos faoliyatga kirishishi va bunga, avvalo, ruhan tayyor bo‘lishi, uning sahnaviy ijrosini tomosha qilayotgan auditoriyaning fikrini to‘g‘ri yo‘naltirish uchun o‘ta zarur bilimlarni puxta egallashi lozim.

Xulosa o‘rnida aytish mumkinki, bugungi kunda zamon qahramoni timsolini to‘laqonli yarata oluvchi ijodkor - Aktyor shaxsini tarbiyalashda Aktyorlik mahorati bilan ijodkorning nutqiy va fikriy hatti - harakat qila olish qobiliyatiga poydevor qurib beruvchi fan - Sahna nutqining bir - biriga “egizak” fan ekanligini unutmagan holda ish olib borish kerak. Buning uchun: birinchidan - aktyorlik mahorati elementlarini o‘zlashtirish jarayonida shoshma - shosharlikka yo‘l qo‘ymaslik, har bir talabaning individual jihatlarini ochishga o‘ta jiddiy mas’uliyat bilan qarash, ikkinchidan- badiiy so‘z san’ati ijrochiligi bo‘yicha ham yangi qo‘llanmalar yaratish lozimdir.