O‘zbekiston respublikasi oliy va o’rta maxsus ta’lim vazirligi

O‘ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI

O‘ZBEKISTON DAVLAT SAN’AT VA MADANIYAT INSTITUTI

Ernazar Yаrbekov Sherzod Muhammadiyev

AKTYORLIK MAHORATI

5150300-Aktyorlik san’ati (musiqali teatr aktyorligi) (1- kurslar uchun)

San’at va madaniyat instituti talabalari uchun o‘quv qo‘llanma

Toshkent – 2018

Taqrizchilar: Munavvara Abdullaeva

O‘zbekiston Respublikasida xizmat ko‘rsatgan yoshlar murabbiyi, professor

Xayrulla Sa’diev O‘zbekiston xalq artisti

Muharrir: Hamdam Ismoilov

Filologiya fanlari nomzodi, dotsent

Annotatsiya

Mazkur qo‘llanma uzoq yillik pedagogik faoliyat va professional tajribadan olingan xulosalar mahsulidir. Unda berilgan ko‘rsatmalar talabalarning, avvalo, komil inson - ijodkor shaxs bo‘lib kamol topishlariga, ijodiy jarayonda nazariy va amaliy ko‘nikmalar asosida shakllanishlariga, badiiy did va saviyalarini oshirishlariga, aktyorlik mahorati elementlarini mukammal o‘zlashtirishlariga, mantiq va izchillik, uyg‘unlik va go‘zallik tushunchalarini mustahkamlashlariga va kelajakda aktyorlik mahorati saboqlaridan olgan bilimlarini nafaqat teatrda, shuning barobarida, san’atning boshqa turlaridagi faoliyatlarida ham qo‘llashlariga, o‘z mahoratlarini charxlashlariga xizmat qiladi.

Shuningdek, ushbu qo‘llanma talabalarga aktyorlik mahorati elementlarini egallash bilan bir qatorda sahnada so‘z tug‘ilishi, uning ustida ishlash ko‘nikmasini hosil qilish qobiliyatlarini o‘zlashtirishlarida zarur ma’lumotlarni olish imkonini beradi. Har bir bo‘lim misollar asosida atroflicha yoritib berilgan.

Keltirilgan misollar talabalarning mustaqil ijod qilishlari uchun poydevor vazifasini ham o‘taydi.