O‘zbekiston respublikasi oliy va o’rta maxsus ta’lim vazirligi

AKTYORLIK MAHORATI ELEMENTLARINI O‘ZLASHTIRISH UCHUN NAMUNAVIY MASHQLAR

1- mashq

Ijodiy yarim doira

Ishchi holat ko‘nikmalarini tarbiyalash ishlarini birinchi mashg‘ulotlardan boshlash kerak. Talabalar birinchi marotaba ustaxonaga kirishadi. Ular uchun yetarli o‘rindiqlar mavjud bo‘lishi kerak. O‘qituvchi talabalar bilan «Salom – alik»dan so‘ng murojaat qiladi.

• 
  O‘tiringlar!
  

Talabalar duch kelgan joyga o‘tirib oladilar.

• 
  Xo‘sh! Hammangiz meni ko‘rayapsizmi?
  
• 
  Hamma bir – birini ko‘rayaptimi?
  
• 
  Yo‘q, men hammani ko‘rmayapman.
  

Talabalar javob beradilar.

O‘qituvchi maqsadni tushuntiradi:

• 
  Biz mashg‘ulotga tayyor bo‘lishimiz va mashg‘ulot uchun ishchi holatini yaratishimiz kerak.
  
• 
  Diqqat bilan eshiting. O‘rindiqlarni shunday joylashtiringki, men hammangizni ko‘ray. Siz ham bir– biringizni ko‘radigan bo‘lib o‘tiring.
  
  • 
    O‘rindiqlar oralig‘i teng bo‘lsin!
    
  • 
    O‘rindiqlarni sahnaga yarim doira shaklida joylashtiring! Talabalar
    

o‘rindiqlarni murabbiy aytganidek joylashtiradi.

Talabalar ishni tugatgach, o‘qituvchi yarim doira joylashuvini ko‘zdan kechiradi. Barcha talabalarni yarim doiraga joylashtiradi va talabalar ishtirokini ta’minlaydi.Shunday qilib izlanishlar jamoani to‘g‘ri yechimga olib keladi. Har bir talaba “men hammani ko‘ryapman, hamma meni” prinsipiga amal qiladi.Talabalar birinchi qadamlaridanoq ijodiy maydonchada sodir bo‘layotgan xarakatlarning yakunlanishiga va maqsadga muvofiq bo‘lishiga o‘rganishlari kerak.

2.