O'zbekiston respublikasi oliy va o'rta maxsus ta’lim vazirligi

 
OPTIKA - MEXANIK ANALOGIYA 
 
Optika  fani  tarixida  yorug’lik  tabiatini  o’rganish  uchun  ko’plab  mexanik 
anologiyalar  qo’llanilgan.  Masalan,  Nyuton  yorug’likning  zarracha  nazariyasini 
yaratganda, yorug’lik zarrachalarini elastik sharga qiyoslaydi. U sharlarning elastik 
to’qnashuviga qiyoslab yorug’likning qaytish va to’g’ri chiziqli   tarqalishini mex-
anika qonunlari asosida izohlagan edi. U Yorug’likning sinishini, butun olam tor-
tilish  qonuni  asosida  tushuntirgan  edi.  Nyuton  fikricha  yorug’lik  zarrachasi  optik 
zichligi kattaroq muhitga o’tganda muhitning gravitasiya maydoni zarrachani o’zi 
tomon  tortadi  va  yorug’lik  zarrachasi  kattaroq  tezlikda  harakatlanadi  deb 
ta’kidlaydi. 
Nyuton nazariyasi bo’yicha yorug’likning qaytishi va to’g’ri chiziq bo’ylab 
tarqalishi  tajriba  natijalariga  mos  kelsa,  sinish  qonuni  tajriba  natijalariga  zid 
ekanligi  keyinchalik  yorug’likning  to’lqin  nazaryasi  yaratilgandan  keyin  ayon 
bo’ladi.  
Yorug’likning  to’lqin  nazariyasi  asoschilari  Gyuygens,  Yung  va  Frenellar 
yorug’likning mexanik to’lqinlarga qiyoslab optikadagi difraksiya va interferensiya 
hodisalarini  to’g’ri  tushuntirishgan  edilar.  Yorug’likning  elektromagnit  to’lqin 
nazariyasi  asoschisi  Maksvell  ham  yorug’likni  elastik  muhit  (“Efir”)da  tarqaladi 

---

 
68 
deb ta’kidlagan  edi. U elektromagnit maydon va uning dielektriklarda tarqalishini 
izohlashda  mexanikada  ma’lum  bo’lgan  elastik  deformasiya  hodisasini  asos  qilib 
oladi. 
Bilvosita anologiya usuli fizika fanining juda ko’pgina murakkab muammo-
larini hal etishda muhim vosita bo’lib xizmat qilib kelganligini ko’ramiz. Bilvosita 
anologiya  ta’lim  jarayonida  ham  muhim  didaktik  vosita  hisoblanadi.  Bilvosita 
anologiya  yordamida  murakkab  fizik  jarayonlarni  mexanik  jarayonlar  orqali 
o’quvchilarga  tushunarli  tarzda  yetkazish  imkonini  beradi.  Imkoni  bo’lsa  optika 
bo’limida o’rganish lozim bo’lgan barcha jarayonlarni mexanik anologiyasini top-
ish  mumkin.  Bu  vazifani  ijodiy  hal  etilishi  fizika  o’qituvchining  qobiliyati  va 
ijodiy yondashuviga bog’liq.