O’zbekiston respublikasi oliy va o’rta maxsus ta’lim vazirligi urganch davlat universiteti

Ishning bajarilishi. Buning uchun 10 idish olib, ularga har millilitrida 0.2 mg nitrat azotini tutgan knon eritmasidan solinadi. Idishlarga azotsiz sharoitda o’stirilgan o’simtalar o’tkazib 4-5 kun davomida, 5 ta idishdagi o’simtalar yorug’lik normal sharoitda, 5 tasini esa yorug’lik yetishmagan sharoitda tutiladi. Har ikkala sharoitda o’stirilayotgan o’simliklar harorati bir hilda 28-30⁰C bo’lgan xonalarga qo’yiladi.

Tajribaga ajratilgan vaqt tamom bo’lishi bilan har ikkala variantdagi o’simliklarning bir xil o’rinda joylashgan barglaridan namunalar olinadi. O’simliklardan uzib olingan barglarni, barg bandiga va barg plastinkasiga ajratiladi. Barg qismlari alohida-alohida olinib, chinni kosachalarda bir necha tomchi suv ishtirokida yaxshilab eziladi.

So’ngra o’simlik to’qimasidan olingan shira qaynab turgan suv hammomiga qo’yilib, uning tarkibidagi suv bug’latiladi. Shira tarkibidagi suvning bug’lanib bo’lishi bilan kosachalar suv hammomidan olinib, xona haroratigacha sovutiladi. Kosachalar tagida qolgan quruq moddalar ustiga 1 mldan disulfofenolat kislotasi eritmasidan solib kosachalarning ichki devorlari shisha tayoqcha bilan yaxshi yuvib tushiriladi va 5-10 daqiqa tinch qoldiriladi. So’ngra kosachalarning har bittasiga 5-10 ml dan distillangan suv solib ularning ustiga esa-yashil-sariq rang hosil bo’lganga qadar mikrobyuretka orqali 10%li natriy gidrooksidi eritmasidan tomiziladi.

Keyin esa, kosachalarda hosil bo’lgan rangli eritmalar, 50 yoki 100 ml hajmdagi o’lchov kolbalarida o’tkaziladi. Kosachalardagi rangli eritmalarni kolbalarga to’la o’tkazish uchun kosachalarda distillangan suv bilan 2-3 marta yaxshilab yuviladi va kolbalardagi eritma ustiga solinadi. Mabodo, kolbalar bu bilan to’lmasdan qolsa, u holda eritma ustiga distillangan suv quyish bilan hajmga keltiriladi.

6-jadval