O‘zbekiston respublikasi oliy va o‘rta maxsus ta’lim vazirligi toshkent irrigatsiya va qishloq xo‘jaligini mexanizatsiyalash muhandislari instituti qarshi filiali

Курс ишини тайёрлашда фойдаланилган адабиётлар ва норматив-ҳуқуқий ҳужжатларнинг қисқача ўзаро таҳлили. Кадастр соҳасига бағишлаб хорижий ва республикамиз олимлари томонидан тайёрланган қатор ўқув ва илмий адабиётлар мавжуд. Мазкур мавзуни ўрганишда Д.О.Журакулов, Ғ.Н.Алиқулов, В.Р.Ниязов “Ер участкаси ва бино- иншоотларга бўлган ҳуқуқларни давлат рўйхатидан ўтказиш” услубий қўлланмасидан (2019 й.) фойдаланилди. Мазкур адабиётларда Бино иншоотлар давлат кадастри фаолиятини юритиш тўғрисида батафсил маълумотлар келтирилган.
Мазкур Курс ишида компьютер технологияларидан фойдаланган ҳолда кадастр хужжатларини тайёрлаш жараёни кўрсатиб берилган.
Иш тузилмасининг тавсифи. Курс иши кириш, асосий қисм, хулоса ва фойдаланилган адабиётлар рўйхатидан иборат.
Асосий қисм 3 та бобдан ташкил топган бўлиб, биринчи бобида Ер ва бино-иншоотларнинг кадастр ҳужжатлари тўплами, иккинчи бобида Ер участкаларига бўлган ҳуқуқларни давлат рўйхатидан ўтказиш, учинчи бобда эса Бино ва иншоотларга бўлган ҳуқуқларни давлат рўйхатидан ўтказиш тартиби жумладан, хулоса ва фойдаланилган адабиётлар рўйхати келтирилган.


1.БОБ. КАДАСТР ҲУЖЖАТЛАРИ


1.1.Ер ва бино-иншоотларнинг кадастр ҳужжатлари тўплами
Ўзбекистон Республикасининг «Ер кодекси» даги 15-моддасига асосан «Давлат ер кадастри ерларнинг табиий, хўжалик ва ҳуқуқий режими, уларнинг тоифалари, сифат кўрсатгичлари ва баҳоси, ер участкаларининг жойлашган манзили ва ўлчамлари, уларнинг ер эгаларига, ердан фойдаланувчиларга, ижарачиларга ҳамда мулкдорларга таксимлаш тўғрисида»ги зарур, ишончли маълумотлар ва ҳужжатлар тизимидан иборатдир.
Ер кадастр ҳужжатлари ер участкаларига бўлган ҳуқуқни тасдиқловчи ҳужжатлар, туман (шаҳар) ер кадастри дафтари, ерларнинг миқдор-сифат ҳолати ва уларнинг баҳоси тўғрисидаги ҳисоботлар, кадастр ҳужжатлари, режалари ва қонун ҳужжатларида назарда тутилган бошқа ҳужжатлардан иборатдир («Давлат ер кадастри тўғрисида» ги қонунининг 12-моддаси).
Туман (шаҳар) ер кадастри дафтари- («Давлат ер кадастри тўғрисида» ги қонунининг 20-моддаси). Туман (шаҳар) ер кадастри дафтари ерларни давлат рўйхатига олиш, ҳисобга олиш ва уларни баҳолаш бўйича асосий ҳужжат бўлиб, ер участкасининг жойлашган ўрни, қайси мақсадда фойдаланишга мўлжалланганлиги, унга эгалик қилиш, ундан фойдаланиш, уни ижарага олиш ҳуқуқларини ва унга бўлган мулк ҳуқуқини аниқлаш учун зарур маълумотларни ўз ичига олади, ер участкасининг миқдор ва сифат ҳолати ҳамда баҳоси тўғрисидаги ахборот манбаи ҳисобланади.
Ер кадастри дафтарининг тузилиши, мазмуни ва уни юритиш тартиби Адлия Вазирлигидан 1999 йил 27 майда №736 рақам билан рўйхатдан ўтган «Ўзбекистон Республикасида ер участкаларига бўлган ҳуқуқларни давлат рўйхатидан ўтказиш тўғрисида» ги йўриқномасининг 9-боб 9-бандида баён этилган бўлиб, 2014 йилнинг 7 январидан Ўзбекистон Республикаси Вазирлар Маҳкамасининг “Кўчмас мулкка бўлган ҳуқуқларни давлат рўйхатидан ўтказиш тартибини такомиллаштириш тўғрисида”ги 1-сонли қарорининг туман (шаҳар) ер кадастри дафтарини юритиш тартиби тўғрисидаги Низомнинг 2-иловасига мувофиқ юритилмоқда.