O`zbekiston respublikasi oliy va o`rta maxsus ta`lim vazirligi toshkent davlat texnika universiteti “Geologiya qidiruv” fаkultеti “Nеft va gazni qayta ishlash ob’ektlari” kаfеdrаsi «korroziyadan himoya qilish»

9.6-расм. Ариқчали коррозия ҳосил бўлишнинг асосий босқичлари:
I – Fe₃O₄, FeCO₃, FeS чўкмаларининг ҳосил бўлиши; II– қувур пастидаги эрозион ўйилиш; III–галваножуфтликларнинг ҳосил бўлиши (̛∆Е ≈ 200 мВ); IV–қувур пастида ариқчаларнинг ҳосил бўлиши.
Ариқчали коррозиянинг емириш тезлиги жуда юқоридир (4–8 мм/йил, баъзи ҳолларда 18 мм/йилгача). Коррозиянинг бу туридан кўпгина нефт қувур ўтказгичлари тез-тез ишдан чиқади ва катта экологик зарарларга сабаб бўлади.
Коррозиянинг бу туридан нефт ва нефт маҳсулотларини ва бошқа суюқликларни сақлаш учун мўлжалланган цестернялар, резервуарларнинг суюқлик ва чўкиндилар тўпланиб қоладиган жойлари ҳам зарар кўради. Буларнинг олдини олишнинг энг самарали усули тўпланишларга йўл қўймайдиган, чўкмаларни тўкишга имкон берадиган жиҳозларни рационал лойиҳалашдир.
9.7-расмда суюқлиги пастдан бўшатиладиган аппаратларнинг вариант-лари келтирилган. Кўриниб турибдики, улардан «а» вариант энг муваффа-қиятсиз, суюқликни қийинчиликсиз ва тез бўшатадиган – «в» эса қулай вариант ҳисобланади.

9.7-расм. Суюқлиги пастдан бўшатиладиган аппаратларнинг конструкциялари.
а – ноқулай вариант; б – яхшиланган вариант; в – қулай вариант;

15маъруза
ТЕХНОЛОГИК МУҲИТЛАРДА МЕТАЛЛАР КОРРОЗИЯСИ
15.1. Пўлатнинг углеродсизланиши
10.2. Водомеркаптанрод коррозияси
10.3. Карбонил коррозияси.
10.4. Олтингугурт коррозияси
10.5. Хлор ва хлорли водород муҳитидаги коррозия
Таяч сўзлар: агрессив муҳит, углеродсизланиш, декарбюризация, оксид плёнкаси, оксидловчи атмосфера, цементит, диффузия коэффициенти, водородли коррозия, водородли мўртлашув, диффузия, ғоваклик, цементит, карбонил коррозияси, тетракарбонил, пентакарбонил, нонакарбонил, меркаптан, тиоспирт, крекинг.
10.1. Пўлатнинг углеродсизланиши
Кимё саноатида кўпгина технологик жараёнлар ёки уларнинг маълум босқичлари газ муҳитида юқори ҳарорат ва юқори босим остидаги шароитларда кечади.
100 дан 200–300°С гача бўлган ҳароратларда кўпгина газлар унчалик хавфли эмас. Газларнинг кимёвий фаоллиги ва металлар газ коррозиясининг тезлиги 200–300°С дан юқори ҳароратларда кескин ортади. Масалан, хлор 200°С дан юқори водород хлориди – 300°С дан юқори, олтингугурт диоксиди, азот диоксиди, олтингугурт буғлари эса – 500°С дан юқори ҳароратларда темир қотишмаларига таъсир қила бошлайди.
Технологик газ муҳитларининг бундай ўзига хослиги ва уларнинг саноатда кенг ишлатилиши металларнинг реал шароитларда ўзини тутишини батафсил кўриб чиқишни тақозо этади.
Юқори ҳароратларда газ фазасидаги кўпгина технологик жараёнлар пўлатнинг декарбюризацияси ва углеродсизланиши туфайли мураккаблаша-ди. Бу ҳолнинг моҳияти шундан иборатки, 650 °С дан юқори ҳароратларда оксид плёнкасининг ҳосил бўлишидан ташқари плёнкага тегиб турган металл сиртининг углеродга танқислиги вужудга келади. Яъни, сирт қатламларида углерод миқдори камаяди. Бундай жараён таркибида О₂, Н₂О ёки СО бўлган оксидловчи атмосферада кўпроқ кузатилади. Бундай ҳолат водород муҳитида ҳам кузатилиши мумкин.
Декарбюризация кўпгина кимёвий жараёнлар билан бирга амалга ошиши мумкин. Масалан, олтингугурт хом ашёсини ўтда тоблаб пишириш 750–850°С, турли оксидловчи муҳитларда (О₂, Н₂О, СО) метаннинг конвер-сияси 700–1000°С ҳароратларда амалга оширилади. Бундай жараёнлар қаторига кўп турдаги ёниш жараёнларини, оксидловчи крекингни ва бшқаларни киритиш мумкин. Декарбюризация пўлатнинг қаттиқлигини ва мустаҳкамлигини пасайтиради, ундан тайёрланган буюмларнинг хизмат муддатини камайтиради.
Углеродсизланиш ҳодисасининг асосида цементит – Fe₃C нинг қайтарилиш жараёни ётади:
Fe₃C + 1/2O₂ = 3Fe + CO
Fe₃C + СО₂ = 3Fe + 2СО
Fe₃C + H₂O = 3Fe + CO + H₂
650°С дан юқори ҳароратда углероднинг диффузия коэффициенти металл атомларининг диффузия коэффициентидан катта бўлади. Натижада ҳаракатчан металл атомлари реакция зонасига диффузияланади ва оксидлов-чи билан таъсирлашади. Углероднинг пўлатдаги диффузия тезлиги металлнинг оксидланиш тезлигидан катта бўлади. Ҳимоя плёнкаси ҳали ҳосил бўлмаган дастлабки вақтларда декарбюризация кузатилмайди. Металл закининг ҳосил бўлиши секинлашганда углеродсизланаётган пўлат қатламининг қалинлашуви кузатилади. Қўшимча қиздириш давомида бу қатламнинг чуқурлиги бир неча миллиметргача бориши ммумкин.
Газ муҳитидаги Н₂О, CO₂ ва О₂ нинг миқдори ортиши билан декарбюри-зацияланиш даражаси ортади. Аксинча, газ муҳитидаги СО ва СН₄ миқдори-нинг ортиши углеродсизланиш даражасини пасайтиради.
Пўлатга алюминий ва вольфрамнинг қўшилиши декарбюризацияга мойилликни пасайтиради. Хром, марганец ва кобалт жараёнга кам таъсир кўрсатади, кремний, никел, ванадий эса деярли таъсир қилмайди.