O`zbekiston respublikasi oliy va o`rta maxsus ta`lim vazirligi toshkent davlat texnika universiteti “Geologiya qidiruv” fаkultеti “Nеft va gazni qayta ishlash ob’ektlari” kаfеdrаsi «korroziyadan himoya qilish»

11-МАЪРУЗА.
КОРРОЗИЯНИНГ ЛОКАЛ КЎРИНИШЛАРИ.
7.1. Питтинг коррозияси.
7.2. Ярали коррозия
7.3. Тирқиш коррозияси ва конструктив факторларнинг бу турдаги коорозияга таъсири.
7.4. Кристаллараро коррозия
7.5. Селектив бузилиш
7.6. Контакт коррозияси.

Танч иборалар: питтинг коррозия, ярали коррозия, тирқишли коррозия, кристаллараро коррозия, селектив бузилиш, контакт коррозияси, коррозия ўчоғи, ғоваклик, активатор, анион-активатор, репассивланиш, критик потенциал, феррит, перлит, поликристалл, рухсизлантириш, аэрация, синтез, коррозион эрозия, мўртлик.
7.1. Питтинг коррозияси.
Коррозиянинг локал кўринишларига питтинг, ярали, тирқишли, кристаллараро, селектив бузилиш ва контакт коррозиялари киради.
Локал коррозия жараёнларининг ажралиб турадиган томонларидан бири шуки, улар томонидан металл конструкциялар сиртининг кичик қисми емирилади. Бў жойларда металлнинг эриш тезлиги асосий сирт улишидагига нисбатан етарли даражада катта бўлади. Локал коррозия ўчоғининг металл ичига кириб бориш тезлиги йилига ўнлаб сантиметргача етиши мумкин. Кўпгина локал коррозия жараёнлари (селектив эриш ва контакт коррозия-сидан ташқари) эҳтимолли характерга эга. Баён этилган қирралар умумий бўлсада, улар локал коррозия жараёнлари механизмининг ўзига хос томонларини тўла очиб бера олмайди. Локал коррозия жараёнлари механизмини ўрганишда кузатиладиган ўхшашликлар металлар коррозияси назарияси учун жуда муҳимдир.
Барча локал коррозия жараёнлари кўпинча кетма-кет, бир-биридан кейин келадиган бир неча босқичлардан иборат бўлиб, ҳар бирининг ўз лимитловчи жараёни бўлади.
Бу босқичларнинг энг асосийлари қуйидагилардир:
• коррозия текис боришининг бузилиши бошланадиган ва локал коррозия ўчоғларининг стационар ривожланиш жараёнига ўтишига мос келадиган бошланиш (юзага келиш) босқичи; босқич етарлича узоқ давомийликка эга бўлиб, у индукцион давр τ_инд дейилади.
• металлдаги локал фаоллашган қисмларнинг катастрофик тезликда емирилиши амалга ошадиган, локал коррозия ўчоғининг барқарор фаолият кўрсатиш босқичи;
• фаолликнинг (ривожланишнинг) якунланиш—локал коррозия ўчоғ-ларининг тузалиш (репассивация) босқичи.
Локал коррозия жараёнларининг ривожланишида кўпинча бир кўри-нишдан бошқасига ўтиш ҳоллари кузатилади. Масалан, ярали, тирқишли, кристаллараро ва яна бир қатор коррозион–чарчаш жараёнлари ёки кучланиш остидаги статик, коррозион–механик бузилишларнинг ривожланиши кўпинча питтинг коррозиясидан бошланади. Питтинг коррозиясига ўхшаш емирилишлар металл сирти яссилигининг бузилиш ва турли хилдаги қопламаларнинг қўпорилиш жойларида пайдо бўлади ва ривожланади.
Питтинг коррозияси (ПК) локал коррозиялар орасидаги энг хавфлиси ҳисобланади. Пассивлашадиган кўпгина металлар (Fe, Ni, Co, Mn, Cr,Ti, Al, Mg, Zr, Nb, Та, Си, Zn ва б.) ва улар асосидаги қотишмалар ҳамда конструкцион материаллар бундай коррозияга мойилдирлар.
Питтинг коррозияси денгиз сувлари, тузли эритмалар, совутгичларнинг совитиш тизимлари ва кимёвий саноат корхоналари жиҳозларида учрайди. “Питтинг” ибораси нафақат нуқтавий коррозияни, балки ўзига хос кўпгина коррозион жароҳатларни (7.1-расм) тавсифлаш учун ҳам қўлланилади. Питтинг атамаси одатда чуқур нуқтавий жароҳатларни изоҳлаш учун ишлатилади. Ҳосил бўлиш ва ривожланиш шароитларига кўра (ҳарорат, кислоталилик, эритманинг кимёвий таркиби) питтинглар шакли ва кўриниши жиҳатидан хилма-хилдир. Улар яримсферик, цилиндрсимон, полиэдрик,