O`zbekiston respublikasi oliy va o`rta maxsus ta`lim vazirligi toshkent davlat texnika universiteti “Geologiya qidiruv” fаkultеti “Nеft va gazni qayta ishlash ob’ektlari” kаfеdrаsi «korroziyadan himoya qilish»

17.3. Протекторли ҳимоя
17.4. Анодли ҳимоя.
17.5. Кислородли ҳимоя.
Таянч сўзлар: электрокимёвий ҳимоя, катодли ҳимоя, анодли ҳимоя, эриш тезлиги, деаэрация, протекторли ҳимоя, ҳимоя эффекти, ҳимоя потенциали, графит, ферросилицид, таъсир радиуси, оксид плёнка, резервуар, ҳимоя самарадорлиги, кислородли ҳимоя.
17.1. Электрокимёвий ҳимоя механизми.
Электрокимёвий ҳимоя – потенциалнинг қийматини энг кичик эриш тезлигига мос келадиган қийматигача силжитиш орқали коррозия тезлигини пасайтиришга асосланган металл материалларни коррозиядан ҳимоя қилиш усули ҳисобланади. Ўзгармас ток манбаидан ёки коррозияланаётган системага нисбатан анод ҳисобланган қўшимча электрод билан контакт орқали электроднинг қутбланишида металл электрокимёвий коррозиясининг тезлигини камайтириш ушбу усулнинг моҳиятини ташкил қилади.
17.1-расмда металлни турли усуллар билан электрокимёвий ҳимоялашда металл эриш тезлигининг камайишини тушунтирадиган схема келтирилган. Металл потенциалини силжитиш йўналишига боғлиқ ҳолда электрокимёвий ҳимоя катодли ва анодли турларига бўлинади.
Электрокимёвий ҳимоя шундай ҳолларда қўлланиладики, унда конструкцион материалнинг эркин коррозия потенциали Е_кор актив эриш соҳасига (Е₁) ёки қайта пассивланиш соҳасига (Е₂) тўғри келса, яъни материал катта тезлик билан эриётган бўлса.
Катодли ҳимояда металл эриш тезлигини камайтириш потенциални Е_кор дан манфийроқ соҳага силжитиш натижасида амалга оширилади.

17.1-расм. Электрокимёвий ҳимояда металл эриш тезлигини пасайтириш усуллари.

Масалан, агар металл эркин коррозиясининг потенциали Е₁ актив эриш соҳасида жойлашган бўлса (эриш тезлиги i₁), у ҳолда потенциални манфий томонга Е₃ қийматгача суриш эриш тезлигининг i₁ дан пастроқда жойлашган i₃ қийматгача камайишига олиб келади. Эркин коррозия потенциали Е₂ нинг қиймати қайта пассивланиш соҳасига тўғри келган ҳолатда ҳам металл эриш тезлигининг пасайиши ҳам хидди шундай юз беради. Потенциални манфий томонга Е₄ қийматгача суришда эриш тезлиги i₄ гача камаяди. Фарқи шундаки, биринчи ҳолда эриш тезлигининг пасайишига эриш характерини ўзгартирмасдан эришилади, яъни металл актив ҳолатдалигича қолади. Иккинчи ҳолда эса эриш тезлиги металлнинг актив ҳолатдан пассив ҳолатга ўтиши оқибатида пасаяди.
Анодли ҳимояда ҳимояланадиган конструкция потенциали Е_кор дан мусбатроқ томонга силжитилади. Бунда металлнинг актив ҳолатдан пассив ҳолатга ўтиши амалга ошади. Агар металл эркин коррозиясининг потенциали Е₁ актив соҳада жойлашган бўлиб, унга мос келадиган эриш тезлиги i₁ га тенг бўлса, у ҳолда уни Е₄ қийматгача мусбат томонга силжитилганда эриш тезлиги i₄ қийматгача камаяди.