O`zbekiston respublikasi oliy va o`rta maxsus ta`lim vazirligi toshkent davlat texnika universiteti “Geologiya qidiruv” fаkultеti “Nеft va gazni qayta ishlash ob’ektlari” kаfеdrаsi «korroziyadan himoya qilish»

18.2-расм. Пўлат коррозияланиш
тезлигининг H₂SO₄ концентрациясига
боғлиқлиги. 1– H₂SO₄; 2 – H₂SO₄+ As³⁺ (0,045 %).





Анодли ноорганик ингибиторлар металл сиртида металлнинг эритмага ўтишини тормозловчи плёнка (~ 0,01 мкм) ҳосил қилади. Кўпинча пассиваторлар деб номланадиган плёнка ҳосил қилувчи ва оксидловчи кимёвий бирикмалар – коррозияни анодли секинлаштирувчилар гуруҳига киради.
Катод-анодли ноорганик ингибиторлар, масалан KJ, КВr лар металл сиртида хемосорбцион қатлам ҳосил қилиш ҳисобига кислотали эритмаларда анодли ва катодли жараёнларни бир хил даражада тормозлаш хусусиятига эга
Плёнка ҳосил қилувчи ингибиторлар металл сиртида фазавий ёки адсорбцион плёнкалар ҳосил қилиши туфайли уни коррозиядан ҳимоялайди. Уларга NaOH, Na₂CO₃ и фосфатларни мисол қилиб кўрсатиш мумкин. Хўжалик ва коммунал тизимларда ишлатиладиган темир ва пўлатни ҳимоялашда қўлланиладиган фосфатлар айниқса кенг тарқалгандир. Фосфатлар иштирокида темир сиртида ҳимоя плёнкалари ҳосил бўлади. Унинг таркиби темир фосфати билан зичлашган темир гидроксидидан иборат
Ҳимоя эффектини кучайтириш мақсадида фосфатлар кўпинча полифосфатлар билан композицияда қўлланилади.
Пассиваторлар металл сиртида оксидлар ҳосил қилиш орқали металл эришининг анод реакциясини тормозлайди:
Me + nН₂О → МеО_n + 2nН⁺ + 2nе
Бундай реакция фақат пассивланишга мойил металлардагина кечиши мумкин
Пассиваторлар жуда яхши ва шу билан бирга хавфли ингибиторлар ҳисобланади. С1^– ионлари иштирк этаётган ҳолда концентрацияни нотўғри танлаш ёки муҳит кислоталилиги мос бўлмаган ҳолларда улар металл коррозиясини тезлатиши, баъзан жуда хавфли нуқтали коррозияни келтириб чиқариши мумкин.
Натрий ва калийнинг хроматлари ва бихроматлари саноат миқёсидаги сувли тизимларда темир, рухланган пўлат, мис, латун ва алюминийни коррозиядан ҳимоялаш ингибиторлари сифатида ишлатилади. Темир мисолида хроматларнинг таъсири қуйидаги реакциялар орқали ифодаланиши мумкин: 2Fe + 2Na₂CrO₄ + 2H₂O = Cr₂O₃ + Fe₂O₃ + 4NaOH
6Fe₃O₄ + 2Na₂CrO₄ + 2H₂O = Cr₂O₃ + 9Fe₂O₃ + 4NaOH
Ҳосил бўлган оксид плёнкаси 25 % Сг₂О₃ ва 75 % Fe₂O₃ дан иборат бўлади.
Нитритлар рН ˃ 5 бўлган муҳитлар учун кўпгина металлар (рух ва мисдан ташқари) коррозиясининг ингибиторлари сифатида қўлланилади. Улар занглаш мавжуд бўладиган ҳоллар учун арзон ва самарали ҳисобланади
Нитритларнинг ҳимоявий таъсири металл сиртида қуйидаги реакция орқали ҳосил бўладиган плёнка билан изоҳланади:
2Fe + NaNO₂ + 2H₂O = Fe2O₃ + NaOH + NH₃
Силикатлар аралаш таъсирли ингибиторларга мансуб бўлиб, анод ва катод реакциялари тезлигини камайтиради (18.3-расм). Уларнинг умумий формуласи – xSiO₂∙Me₂O. Силикатларнинг таъсири сувда эриган карбонат ангидрид (СО₂) газини нейтраллаш ва металл сиртида плёнка ҳосил қилишга