O'zbekiston respublikasi oliy va o'rta maxsus ta'lim vazirligi toshkent temir yo'l muhandislari instituti

Nazorat savollari:

1. 
   FVDT mahalliy darajadagi boshqaruv organlarining vazifalari
   
2. 
   FVDT ob’ekt darajasidagi boshqarish organlarining vazifalari
   
3. 
   FVDT respublika darajasidagi boshqarish organlarining vazifalari
   

9-MA’RUZA.


9 - mavzu. Fuqaro muhofazasi himoya inshootlari.


MA’RUZA REJASI:

1. 
   Boshpanalar, ularning tasnifi
   
2. 
   Radiatsiyaga qarshi pana joylar, ularning ichki jihozlanishi
   
3. 
   Yer osti qurilmalaridan boshpana sifatida foydalanish
   

Tayanch so’z va iboralar: Boshpanalar, Radiasiyaga qarshi pana joylar,Yer osti qurilmalari boshpanalar.


1.Boshpanalar, ularning tasnifi

Aholini radiasiyadan muhofaza qilish maqsadida turli xildagi inshootlar mavjud. Muhofaza inshootlari aholini muhafazalovchi ishonchli vositadir. Bu inshootlar aholini turli tusdagi favqulodda vaziyatlardan hamda ommaviy qirg’in qurollarning ta’sir etish omillaridan saqlaydigan boshpana hisoblanadi. Muhofazalovchi inshootlar muhofazalash xususiyatiga ko’ra, pana va radiasiyaga qarshi pana joylarga bo’linadi. Bunday inshootlar quyidagi xususiyatlardan kelib chiqqan holda:

-yo’nalishga ko’ra: fuqarolarni saqlashga, boshqaruv tizimlarini joylashtirishga mo’ljallangan;
-joylashgan o’rniga ko’ra: alohida joylashgan (metropolitenlar va tog’-kon qurilishlari, shaxtalari);
Qurilish muddatiga ko’ra: boshpana RSB (radiasiyadan saqlovchi boshpana) va oddiy boshpanalar quriladi.
Favqulodda vaziyatlar sodir bo’lganda aholini fuqaro muhofazasi himoya inshootlarida yashirish kelib chiqishi mumkin bo’lgan ko’plab yo’qotishlarni olidini oluvchi eng samarali usulidir. Favqulodda vaziyatlar sodir bo’lganida fuqaro muhofazasining “Havo trevogasi”, “Radiasiyaviy xavf” va “Kimyoviy trevoga” jamoalari beriladi.
“Kimyoviy trevoga” jamoasi berilganida panajoylarga yashiruvchilarga ob’ektning fuqaro muhofazasi xodimlari, fuqaro muhofazasi shtabi xodimlari tomonidan shaxsiy himoya vositalarini tarqatishni tashkil etishlari kerak. Pana joylarga kirish to’g’risida buyruqni ob’ekt rahbari-fuqaro muhofazasi boshlig’i berishi kerak. Agarda favqulodda vaziyat sodir bo’lgan vaqtda aholining pana joylarga o’z vaqtida etib kela olmagan qismi pana joylarga kirishdan oldin ularga panajoyning maxsus joyida qisman dezinfeksiya qilinadi. Pana joylarda aholi joylashishi uchun strelkalar o’rnatilgan bo’ladi.
Favqulodda vaziyatlar sodir bo’lgan hududlardan jabrlanganlarni yoki jabrlanish ehtimoli tug’ilganda aholini panajoylarga joylashtirish tadbirlarini qoniqarli va samarali olib borish maqsadida ob’ekt fuqaro muhofazasi va fuqaro muhofazasi shtabi xodimlaridan iborat bo’lgan zvenolar tuziladi. Pana joylarga aholini tartib bilan, kolonnalarga ajratgan holda olib kiriladi. Kolonna boshlig’ida hududning va panajoylarning chizmasi (sxema) bo’lishi kerak. Ko’chirilayotganlar tarkibida agarda bemorlar bo’lsa, ularga birinchi tibbiy yordam ko’rsatilib, ularga sog’lom kishilar birkitib qo’yiladi.
Favqulodda vaziyat sodir bo’lgan hududda jamoasiz shaxsiy himoya vositalarini echish, yakka holda yurish, osmonda osilib turgan xavfli uskunalar ostida turish, yerda yotgan elektr simlariga yaqinlashish yoki tegish, tutun chiqqan joylarga jamoasiz bormaslik lozim.
Pana joylarga yashiringan aholining majburiyatlari:
-tez va chaqqonlik bilan ko’rsatilgan joylarni tartibni saqlagan holada egallashlari;
-ichki tartib-qoidalariga qat’iy rioya etishlari;
-vahimaga tushmaslik, o’zlarini erkin his qilishlari;
-qariyalarga, ayollarga va yosh bolalarga yordam ko’rsatishlari;
-shaxsiy himoya vositalarini tayyor holatda saqlashlari;
-pana joylarda bo’lgan vaqtlarida texnika xavfsizligi qoidalariga (elektr tarmoqlaridan o’zboshimcha foydalanish, kislorod solingan balonlarga va boshqa asbob-uskunalarga yaqinlashmaslik) qat’iyan rioya qilishlari;
-xavf tugaganidan keyin faqat fuqaro muhofazasi yoki fuqaro muhofazasi shtabi xodimlarining jamoasi bilan tashqariga tartibni saqlagan holda chiqishlari.
Pana joylardan aholini majburiy chiqishlarini taqozo etadigan sabablar:
-pana joylardagi asbob uskunalar yashiringanlarning hayotiga xavf tug’diradigan darajada buzilishi;
-pana joylarni suv bosganda;
-pana joylarda yong’in chiqqanda;
-pana joylardagi havo miqdorida xavfli gazlarning tarqalishida, kislorod miqdorining keskin kamayib ketishida.
Yuqorida ko’rsatilgan salbiy holatlar sodir bo’lganida, yashiringan aholi pana joydan uzoq bo’lmagan boshqa himoya inshootlariga o’tkaziladi. Bu tadbirlarni amalga oshirish paytida yashiringanlar albatta shaxsiy himoya vositalari bilan to’liq ta’minlangan bo’lishlari zarur.
Fuqaro muhofazasi himoya inshootlarida radiaktiv zaharlovchi moddalar va bakterial vositalar hamda oddiy qurollar ta’siridan himoya qilishga, ommaviy zarar yetkazuvchi qurollar ta’siridan to’liq saqlaydi.
Himoya inshootlari uch xil turga bo’linadi:
1. Boshpanalar. Ulargermetik holda qurilgan bo’lib, ommaviy zarar etkazuvchi qurol-yadro zaryadi portlashidan hosil bo’lgan shikastlovchi omillardan hamda zaharlovchi moddalar va bakterial vosita aerozollaridan to’liq himoya qiladi.
2. Radasiyaga qarshi pana joylar radiaktiv zararlanish paydo bo’lgan joylarda aholini radasion zararlanishdan himoya qiladi.
3. Eng oddiy pana joylar - urush vaqtida jang maydonlarida ushbu inshootlar hamisha yo’l ostidagi vositalar yordamida quriladi. Fuqaro muhofazasi boshpanalari, yashirin joylar ishlash yoki yashash joylari yaqinida joylashadi.
Boshpanalar, ularning tasnifi, ichki jihozlanishi va tinchlik davrida ulardan foydalanish:
Aholini yadro portlashining hamma omillaridan, shuningdek kiyoviy va bakterial qurollaridan saqlash uchun mo’ljallangan germetik turdagi himoyalangan binolar boshpanalar deyiladi. Boshpanalar betondan yoki temir betondan yer ostiga quriladi. Boshpanalarning himoya qilish xususiyati 100% gacha bo’ladi.
Zarba to’lqini ta’siridan himoya qilish xususiyatiga qarab boshpanalar quyidagi sinflarga bo’linadi:
1-sinf -5kg/kv sm gacha.
2-sinf - Z kg/kv sm gacha.
3-sinf - 2kg/kv sm gacha.
4-sinf - 1kg/kv sm gacha.
Boshpanalar sig’imiga qarab quyidagilarga bo’linadi:
a) kichik boshpana-150 nafar kishilarga mo’ljallangan;
b) o’rtacha boshpana-150-450 nafar kishilarga mo’ljallangan;
v) katta boshpana-450 va undan ortiq miqdordagi kishilarga mo’ljallangan..
Boshpanalar joylashishiga qarab 2 xil ko’rinishda bo’ladi:
a) qurilmalar tarkibida (yer to’lada);
b) ayrim qurilmalar (mustaqil qurilgan).
Boshpanalar qurilish muddatiga ko’ra 2 turga bo’ladi:
a) tinchlik davrida qurilgan boshpanalar;
b) dushman hujumi xavfi tug’ilganda qurilgan boshpanalar.
Jihozlanishi jihatidan boshpanalar:
-filtr-ventilyasion qurilmasi bor boshpanalar;
-filtr-ventilyasion qurilmasiz boshpanalarga bo’linadi.
Boshpana binolarining tagida yoki yer ostiga alohida quriladi. Boshpanalarning tepasi juda pishiq va mustaxkam, devorlari zarb to’lqiniga va singuvchi radiasiyaga chidamli bo’lishi kerak. Tashqaridan zaharlangan havo kirmasligi uchun germetik ravishda ishlangan bo’lishi zarur. Boshpanaga kirish uchun 3 ta eshik quriladi. Birinchi eshik metaldan pishiq ishlanadi, qolgan 2 tasi gaz o’tkazmaydigan materiallardan ishlangan bo’lishi kerak. Eshiklar zich yopilishi uchun chetiga rezina yopishtiriladi. Bu eshiklar orasida 2 ta dahliz hosil qilinadi. Kirish eshiklaridan tashqari, kirish joylari imoratlar qulashi natijasida bekilib qolgan hollarda foydalanish uchun yer tagidan g’isht, temir-beton teshik quvurlar qurilishi kerak. Boshpanada havo yetarli bo’lishi uchun filtr-ventilyasiya qurilma o’rnatiladi (FVA-49, FVK-1, FVK-2). Bu qurilmalar ikki rejimda ishlashi mumkin: sof va filtr-ventilyasiya.
1-rejimda havo changga qarshi to’rsimon filtr bilan tozalanadi. To’rlar maxsus moy bilan moylanadi. Havo filtrdan o’tayotgan chang va radiaktiv moddalar to’rining moy qatlamiga yopishib qoladi. Moy filtrning bitta yacheykasining unumdorligi soatiga 1000-1300 m.kub.
2-rejimda havo zaharli moddalar va bakterologik zaharli moddalar o’tkazmaydigan niqoblar (protivogaz) bo’yicha ishlaydigan filtr bilan tozalanadi. Havo miqdori sof ventilyasiya rejimi bo’yicha boshqaruv punktida ishlayotgan bir odam uchun 5m F soat bo’lishi kerak. Kuchli yong’in ehtimoli bo’lgan hududda joylashgan pana joy atmosferasida kislorodning miqdori pastligi, SO₂ miqdori yuqoriligi yoki kuchli ta’sir etuvchi zaharli modda (KTZM) ning miqdorining oshganligi pana joylarning to’la izolyasiyasi va ulardan havoni rengenerasiya rejimidan foydalanishni ko’zda tutiladi. (RP-100 rengenerativ moslamalardan foydalanish) RP-100 rengenerativ patronning ishlash tamoyili havo patronidan o’tayotgan tarkibida kalsiy oksidi bor kimyoviy yutgich bilan reaksiyaga kiruvchi SO₂ gazidan tozalanadi. Reaksiya suv va issiqlik ajralishi bilan kechadi. Rengenerativ patronlardan foydalanishda kislorod etishmasligini oldini olish uchun pana joyga reduktor orqali uzatiladigan kislorod balonlardan to’ldiriladi.