O‘zbekiston respublikasi oliy va o‘rta maxsus ta’lim vazirligi termiz davlat universiteti Normurod Murodov fors tili

Yo-ye vahdat va yo-ye nakare
Fors tilida biror narsa yoki shaxsning birlik va noaniqligini ko‘rsatish uchun ularga yo-ye vahdat(birlik), yo-ye nakare (noaniqlik ) belgisiی – yo qo‘shilib "I" deb talaffuz qilinadi. Bu yo fors tili grammatikasida یای وحدت yā-ye vahdat یای نکره yā-ye nakare deb nomlanadi. Bu yo urg‘u qabul qilmaydi.

کارگر kārgar – ishchi, کارگری kārgari – (qandaydir, noma’lum) bir ishchi. کتاب ketāb – kitob, کتابی ketābi – (qandaydir, nomalum) bir kitob.

Yo-ye vahdatning yozilishi
1. Undosh bilan tugagan so‘zlarda yo bevosita otlarning oxiriga qo‘shiladi دختر doxtar – qiz bola, دختری doxtari – (qandaydir) bir qiz bola, میز miz – stol, میزی mizi (qandaydir) bir stol.

2. آ "O" yoki و " u" cho‘ziq unlilari bilan tugagan so‘zlarda bir ی – yo orttirilib yoziladi. صدا sedā – tovush, صدایی sedāyi – (qandaydir) bir tovush, دانشجو dānešju – talaba, دانشجوی dānešjuyi – (qandaydir) bir talaba.

3. ه "E" qisqa unlisi bilan tugagan so‘zlarda ی – yo harfi oldidan bir alif orttirilib yoziladi. نامه nome – xat, نامه ای nome-i – (qandaydir) bir xat.

Yo-ye vahdat otlarga qo‘shilib, birlikni ifodalaydi va miqdoriy jihatdan gap bir narsa yoki shaxs haqida ketayotganligini, ma’no narsaning miqdoriga qaratilganligini ko‘rsatadi. Shu bilan birga noaniqlik va gumon ma’nolarini bildirib, so‘z noma’lum narsa yoki shaxs haqida borayotganligiga ishora qiladi:

روزی پادشاهی به شِکاررفت ruz-i pādšāh-i be šekār raft – bir kuni (qandaydir) bir podshoh ovga chiqdi, دختری آمد و چیزی به او داد doxtar-i āmad va čiz-i be u dād – (qandaydir) bir qiz keldi va unga nimadir berdi.