O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

O’rgimchakkanalar. Mevali daraxtlarga o’rgimchakkanalarning ko’plab tur-lari zarar yetkazishi mumkin. Tuzilishi va hayot kechirishi bo’yicha bular 2 oilaga bo’lingan. Birinchilari 4 – juft oyoq-li kanalar bo’lib, tetranix (Tetranychidae) oilasiga mansub bo’lsa, ikkinchilari 2-juft oyoqli kanalarga (Eriophyidae oilasi) mansubdir. Tetranix kanalar nisbatan yirikroq mavjudod bo’lib, yetuk zotlarining bo’yi 300-800 mkm(mikron) keladi, 2 juft oyoqlilari esa juda mayda bo’lib, qurollanmagan ko’z bilan ko’rib bo’lmaydi. Ularning kattaligi 150-300 mkm bo’lib, faqat 15-20 marotaba kattalashtirib qaragandagina ko’rish mumkin. Tetranixid kanalardan mevali daraxtlarda O’zbekiston-da quyidagi turlari uchraydi: oddiy urgimchakkana, do’lana kanasi, bog’ o’rgimchakkanasi va boshqalar. Ikki juft oyoqli kanalardan esa bizda quyidagi turlari uchraydi: shish hosil qiluvchi nok kanasi hamda olma zang kanasi. Bulardan tashqari, qo’shni davlatlarda birqator boshqa turlari bor-ki, bular O’zbekistonga ham kelib qolishi mumkin: shaftoli barg kanasi (Aculus cornutus Banks), nok zang kanasi (Epitrimerus pyri Nal.), shishhosil qiluvchi olxo’ri kanasi (Acalitus phloeocoptes Nal.) va boshqalar.