O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Kurash choralari. Nihol ildizlari yemirilishi, serkosporoz, un-shudring va soxta un-shudring kasalliklariga qarshi tavsiya qilingan tadbirlarni qo’llash; kasallik ko’rinishi bilan darhol fungisid purkash lozim (Gerasimov, Osniskaya, 1961; Pidoplichko, 1977a; Peresыpkin, 1982; Vyangelyauskayte i dr. 1989; Sыchev, Mizu-ov, 1991; Rashidov va b., 1998).

Lavlagining fuzarioz chirishini Fusarium turkumigamansub
zamburug’ turlari qo’zg’atadi. Zararlangan barglar chetlaridan boshlab so’ladi, barg bandlari qorayadi. Ildiz o’sishdan orqada qoladi, ko’p ortiqcha yon ildizlar rivojlanadi. Ildiz kesilsa, tomirlari qo’ng’ir tus olgani va nobud bo’lgani, ildiz ichida pushti-oq miseliy bilan to’lgan teshiklar mavjudligi ko’rinadi. Kasallik kuchaysa, ildizmevaning tashqi to’qimalari ham chiriydi - ildiz dumi tomonidan yumshaydi, och-qo’ng’ir tus oladi, chiriydi, ba’zan ildiz bo’g’zi va mevaning boshi chiriydi. Lavlagi mevasining ichida oq miseliy bilan to’lgan kavaklar va chatnashlar paydo bo’ladi. Zamburug’ o’simlik ildizlariga, ayniqsa issiq harorat va tuproqda namlik yetishmasligi natijasida zaiflashganlariga har xil mexanik jarohatlar hamda hasharotlar (ildiz shirasi, plastinka mo’ylovli qo’ng’izlar va simqurtlarning lichinkalari) paydo qilgan yaralar orqali kiradi.

Ildizlari zararlangan urug’lik lavlagi ekilganda mayda urug’ beradi yoki umuman urug’ hosil qilmaydi.

Omborxonaga qo’yilgan zararlangan lavlagi chirib ketadi (Peresыpkin, 1982; Rashidov va b., 1998).