O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Turkum – tangacha qanotlilar – Lepidoptera.

Karadrina qanotlarini yozganda 23-30 mm, tanasi to’q kulrangda bo’lib, ularda ikkita qizg’ish rangli dog’lar bo’lishi bilan boshqa tunlamlardan ajralib turadi. Dog’larning birinchisi qanot markazida bo’lib, loviya ko’rinishida, ikkinchisi qanot tubiga yaqin joylashgan bo’lib, yumaloq shaklda va ochroq rangli bo’ladi. Keyingi qanotlari esa oq popukli bo’ladi. Tuxumlarini to’p-to’p qilib, ustiga qorin tuklarini pardalab qo’yadi. Tuxumi yumaloq qirrali bo’lib 0,5 mm keladi.Karadrinaning voyaga yetgan qurtlari 2,5-3 sm ga yetadi. Qurtlarning bosh qismi qo’ng’ir rangli, tanasi esa och-yashildan qoramtir ranggacha bo’ladi. G’umbagi 13 mm qo’ng’ir rangda. G’umbagining keyingi uchida alohida bo’rtmachaga joylashgan qorincha tomonga qayrilib turadigan ikkita tikani bor, shu bo’rtmacha ustiga keyinroqda yana ikkita tikancha joylashgan. Karadrina g’umbagi tuproqning 5sm gacha chuqurligida tuproqdan yasalgan uyada bo’ladi. Karadrina ko’pincha g’umbak holida, ayrim hollarda tuxum va imago bosqichida qishlaydi. Kapalaklari erta ko’klamda paydo bo’lib, o’simlik barglariga tuxum qo’yadi. Tuxumdan chiqqan qurtlari o’simlik bargi bilan kemirib oziqlanadi.Karadrina O’zbekistonda 5-6 marta avlod beradi. Kurash tizimida agrotexnik va biologik kurash usullaridan hamda maxalliy entomofaglar faoliyatidan samarali foydalanishni taqoza etadi. Biologik usulda feromonlardan, va kimyoviy vositalardan ham o’z o’rnini topib oqilona foydalana olish lozimdir.G’o’zani zararkunandalardan himoya qilish: ogohlantiruvchi, ya’ni zarakunandalarni ommaviy ko’payishni oldini oluvchi va zararkunandalar paydo bo’lganda keyin uni qirib tashlovchi tadbirlarga bo’linadi. Bulara asosan biologik, kimyoviy va agrotexnik tadbirlarni o’zichiga oladi