O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Nazorat savollari.

1. 
   Dog’lanish deb nimaga aytladi ?
   
2. 
   O’simlik a’zolarining shakl o’zgarishlariga ta’rif bering.
   
3. 
   O’simlik a’zolari mikroorganizmlarning salbiy ta’siri natijasida qanday o’zgarishlarga o’chraydi ?
   

31- Laboratoriya mavzusi: G’o’za kasalliklari

Kerakli jihozlar: G’o’zaning ildiz chirish, qora ildiz chirish, vertisellyoz va fuzarioz so’lish, gommoz, makrosporioz bilan zararlangan a’zolari. Mikroskoplar, lupalar, mikrobiologik ilgak va ignalar, petri likopchalari, buyum va qoplag’ich oynalar, suvli tomizgich, pinset, skalpel, qaychi, spirtli lampa, sterillangan suv, filtr qog’oz.

Ildiz chirish. Kasallikni qo’zg’atuvchi tuproqdagi turli xil mikroorganizmlar hisoblanadi, shulardan Markaziy Osiyo sharoitida bu kasallikni Rhizoctonia solani Kuehn zamburug’i qo’zg’atadi.

Bu kasallik bilan endigan yangi unib chiqqan g’o’za maysalari va nihollari zararlanadi. G’o’zaning maysalari kasallik bilan kuchli zararlanganda, uning ildizida botiq yarachalar hosil bo’ladi va quriydi. Nihollarning zararlanishi urug’ barg chiqargan davridan boshlab: 3-4 chinbarg chiqarish davrigacha davom etadi.

Kasallangan o’simlikning ildiz bo’g’zi ingichkalashib, qo’ng’ir tusli yarachalar hosil bo’lishi mumkin, ildiz bo’g’zining po’sti yoriladi, quruq sharoitda ildiz bo’g’zi uvoqlanadi, nam sharoitda esa chiriydi va natijada maysa nobud bo’ladi.

Infeksiya manbai bo’lib, tuproq va zararlangan o’simlik qoldiqlari hisoblanadi. Bu zamburug’ boshqa qishloq xo’jalik ekinlarini ham zararlaydi. Parazit rivojlanish davri mobaynida tuproqda uzoq saqlanib qoluvchi xlamidosporaga va miseliyga egadir, lekin konidiya va sporalar hosil qilmaydi.