O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Yostiqchalarni hosil bo’lishi. Kasallikning bu turi ham zamburug’lar uchun xosdir. Yostiqchalar zararlangan o’simlikning sirtida zaburug’ sporalarining to’plami yuzaga keladi. Sporalar yetulgunga qadar sirtidan epidermis bilan qoplanib turadi, epidermis yorilib, tashqariga chiqqan yetuk sporalar shamol va yomg’ir orqali atrofga tarqaladi. Yostiqchalar bilan tanishish uchun g’alla donli ekinlarning targ’il poya zang kasalligini olishimiz mumkin. Zararlangan o’simliklarning poyasida va barg qo’ltig’ida epidermis yorilgan qismida qo’ng’ir yoki qoramtir rangli quyuqsimon sporalar to’plamini ko’ramiz.

So’lish. O’simlik kasalligining ko’p tarqalgan turlaridan biri bo’lib, bunda o’simlikning ayrim qismi turgor holatini yo’qotadi. Bu kasallik turi bir yillik o’simliklarda ham ko’p yillik o’simliklarda ham mevali daraxtlarda ham uchraydi. Zararlangan o’simlikning ko’pincha yuqori qismi so’lishi va o’tkazuvchi naylari qo’ng’ir tusga kirishi kuzatiladi. Buni g’o’zaning vertisillyoz so’lish kasalligi misolida ko’rishimiz mumkin.