O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Hayot kechirishi. Yo‘g‘on bosh kapalak Markaziy Osiyoda bir yilda ikki avlod beradi. YOsh qurtlari (Buxoroda olib borilgan kuzatishlarga qaraganda) aprel oxiri-may boshida paydo bo‘ladi. Qurti dag‘al kanop va gulxayri o‘simligida to‘yinib yashaydi. Qurt bargda to‘la rivojlanadi; buning uchun u barg chetini himarib va o‘rgimchak iplari bilan biriktirib o‘ziga pana joy yasab yashaydi. Bitta qurt bir nechta bargni shikastlashi mumkin. Qurt odatda o‘simlikning uchki qismidagi yosh barglarini eb yashaydi. Qurtning rivojlanishi taxminan bir yarim oyga cho‘ziladi; himarilgan barg ichida g‘umbakka aylanadi. G‘umbakli davri taxminan 10 kun davom etadi. G‘umbakdan chiqqan kapalakda jinsiy mahsulot rivojlangan bo‘ladi. Urg‘ochi kapalak chiqishining dastlabki kunlaridayoq tuxum qo‘yishga kirishadi; kapalak tuxumini ko‘pincha o‘simlik uchlariga qo‘yadi. Ikkinchi avlodning yosh qurtlari iyunning ikkinchi yarmida paydo bo‘ladi. Turli avlod kapalagi va qurtchalari qisqa muddatdagina paydo bo‘ladi. V. V. YAxontovning Buxoro atrofidagi tumanlarda o‘tkazgan tekshirish natijalariga qaraganda yo‘g‘on bosh qurtini yaydoqchi(Anilastus sp.) hamda chalcididae oilasiga qarashli tashqi parazitlar ko‘plab yo‘q qilib turadi.