O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Kurash choralari. Dag‘al kanop yo‘g‘on bosh qurti tushgan ekinlarga, (qurt g‘umbakka aylanguncha) DDT yoki kalsiy arsenat dustini changlash hamda begona o‘tlarni o‘z vaqtida yo‘q qilib turish yaxshi natija beradi.

Metallsimon tomchi kapalak

Zarari. Metallsimon tomchi (metallovidnaya kaplya) qurti lalmi zig‘ir, javdar, maxsar va kanakunjut o‘simliklariga ancha jiddiy zarar etkazadi.

Tarqalishi. Bu hasharot Markaziy Osiyoda, Kavkaz ortida, Janubiy Sibirdan YAponiyagacha bo‘lgan hududlarda, Rossiyaning Evropa qismining janubida, Evropaning o‘rta va janubiy qismida va Kichik Osiyoda uchraydi.

Ta’rifi.Kapalagi qanotini yozib turganda 32-40 mmkeladi; oldingi qanoti to‘q binafsha rang-kul tus bo‘lib sarg‘ish-malla rangda tovlanadi; oldingi qanotining o‘rtasida tomchisimon cho‘ziq kumush ko‘rinishli dog‘i bo‘ladi; qanot o‘rtasining osti qoramtirroq; qanotining oldingi tashqichetida ham to‘q kul tus yo‘li bor; qanotining orqa cheti bo‘ylab tomchisimon dog‘dan boshlab ensiz ravshan yo‘l o‘tadi.

Qurtining bo‘yi 4 smga etadi; tusi yashil bo‘lib, orqasidan cheti oqish chiziqli uchta qoramtir yo‘l uzunasiga o‘tadi; bu yo‘llarning o‘rtadagisi to‘g‘ri, ikki chetdagisi ilon-izi. Qurtning ikki biqinida, nafas olish teshiklari chizig‘iustida oqish yo‘l bor. Qurtning boshi qora. Qurtda faqat uch juft (to‘rtinchi, beshinchi va so‘nggi qorin segmentida) soxta oyoqbo‘lganidan, qurt xuddi olma qurti singari harakat qilib yuradi, ya’ni qurt tanasining oldingi qismini oldinga tashlaydi, ko‘kragidagi chin oyog‘i biror narsani ushlab oladi, shundan keyin tanasining keyingi qismini tortib oladi. G‘umbagi och jigar rangda; qorin tomonining yuqorisida ilmoqchali bulavkasimon do‘mboqcha bor.