O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Nazorat savollari:

1. Beda barg filchasi (fitonomus), morfologik belgilari va zararini ayting.

2. Bedaning maysa (tugunak) filchasi (sitonlar) larga ta’rif bering.

3. Voyaga etgan Beda qandalasining kelib chiqishi, tarqalishi va zararini ayting.

4.Loviya qo‘ng‘izi tuxum va lichinka tuzilishini ayting.

5 Xitoy don qo‘ng‘iziga ta’rif bering.

6.Voyaga etgan Misr no‘xat qo‘ng‘izi hasharotlarning morfologik belgilarini ayting.

23-Mavzu. Moyli ekinlarning zararkunandalari.

Zarari. Yo‘g‘onbosh qurti dag‘al kanop bargini eb yashaydi; natijada o‘simlikning o‘sishi va rivojlanishi susayadi.

Tarqalishi. Dag‘al kanop yo‘g‘on bosh kapalak O‘zbekistonda, Turkmanistonda, Kavkaz ortida, Eronda, Evropaning janubiy va o‘rta qismlarida hamda SHimoliy Afrikada uchraydi.

Ta’rifi.Kapalagi qanot yozib turganda 2,2-3 smkeladi; qanotining usti yashilsimon qo‘ng‘ir, osti qo‘ng‘irsimon sarg‘ish-yashil rangda; oldingi qanoti yuqorirog‘idan oqish qiya yo‘l o‘tadi; o‘rtasiga yaqin joyda oqish cho‘ziq dog‘ joylashadi; tashqi chetida mayda oq dog‘chalar qatori bo‘ladi. Keyingi qanotining asosiga yaqin joyida bittadan och tusli dog‘cha bor, tashqi cheti yaqinida va chetida ikki qator dog‘chalar joylashadi, ba’zan bu dog‘chalar o‘zaro qo‘shilishib belbog‘ hosil etadi. Oldingi va keyingi qanotlarning tashqi chetlaridagi oq dog‘chalar (shokilasi bo‘ylab) bular orasidagi qoramtir oraliqni feston shaklida tovlantiradi.

Dag‘al kanop yo‘g‘on bosh mo‘ylovining uchi yo‘g‘on va to‘mtoq-dumaloq; mo‘ylovining asosida tuk tutamchalari bor; gavdasi kalta, birmuncha yo‘g‘on erkagining gavdasi urg‘ochisinikidan ingichkaroq. Erkagida oldingi qanotlarining oldingi cheti tubidan yuqoriga qayrilgan. Boshi katta, keng. Qurtiningbo‘yi 2,5-3 sm; yashilsimon-kul tusda; birmuncha uzun, oqish tuklar bilan siyrak qoplangan; boshi katta va qora tusda bo‘ladi.