O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Tur-sholg‘om oq kapalagi- Pieris rapae L

Oila – kapalaklar –Pyralididae.

Turkum – tangacha qanotlilar – Lepidoptera.

SHolg‘om oq kapalagi butgulli o‘simliklarni bargini eydi. U karam oq kapalagiga nisbatan kam zarar keltiradi. Qurtlari karamni ekskrimenti bilan ifloslantirib, uni saqlagan joyida chiritib, zarar etkazadi.

Kapalagi tashqi ko‘rinishidan karam oq kapalagiga o‘xshash bo‘lib, maydaligi bilan undan farq qiladi (kapalagi qanotlarini yozganda kengligi 40-50 mm keladi). Urg‘ochisini old qanotlarida ikkita qora dog‘, erkaginikida esa bittadan yumaloq qora dog‘i bor. Orqa qanotlarining tepasi oq, chetlarida qora dog‘lari bulib, pasti sariq. Tuxumi sarg‘ish qovurg‘ali. Karam oq kapalagini tuxumiga o‘xshab ketadi, kttalini 1 mm.

Qurtining kattaligi 25 mm gacha bo‘lib, rangi to‘q yashil, tanasining o‘rtasida uzunasiga ketgan sarg‘ish chizig‘i, nafas teshiklari yaqinida sarg‘ish dog‘chalari bor.

G‘umbagi yashil, dog‘siz, kattaligi 20 mm, burchaksimon shaklda.

SHolg‘om oq kapalagi g‘umbak fazasida o‘simliklar qoldig‘ida, daraxtlar poyasida va boshqa joylarda qishlaydi.

Hayot kechirishi karam oq kapalaginikiga o‘xshaydi. U tuxumini bittadan qilib qo‘yadi. Qurtlari yakka - yakka holda hayot kechiradi. Yiliga 6 marta nasl beradi.