O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Nazorat savollari:

1. Pestisidlarni kullash usullarini ayting.

2.Zararkunandalarga qarshi qo’llash usullari qanday?

8-mavzu: Agronomik toksikologiya. Doza va konsentrasiya

Reja:

1. 
   Agronomik toksikologiyaning maqsadi va vazifalari
   
2. 
   Zahar va zaharlanish to’g’risida tushuncha. Doza va konsentrasiya
   

Agronomik toksikologiyaning maqsadi va vazifalari.

Toksikologiya keng ma’noda; zararli moddalar va ularni tirik organizmga ko’rsatadigan ta’sirini o’rganuvchi fandir (yunoncha toxycon — zarar va logos — ta’limot, o’rganish degan so’zlardan olingan). Zararli moddalar to’g’risidagi fan sifatida toksikologiya aslida shu moddalarga aloqador jami masalalar majmuasini o’z ichiga oladi, lekin uning asosiy mazmuni zararli moddalar tufayli organizmda ro’y beradigan patologik jarayonning (zararlanish hodisasi) mohiyatini o’rganishdan iborat.Toksikologiya tirik mavjudot bilan kimyoviy moddalar o’rtasida bo’ladigan o’zaro ta’sirni o’rganuvchi fandir. Toksikologiya— kimyoviy himoya qilish fanining ilmiy asosidir. Tok­sikologiya materiya harakatining ikki shakli — kimyo­viy va biologik shakllarning o’zaro ta’sirini o’rganadi. Toksikologiya fanining eng muhim vazifasi moddalarning zararlilik darajasini ilmiy asosda aniqlash, ular organizmga bir marta yoki takroriy ta’sir ko’rsatganida ro’y beradigan zaharlanish manzarasiii tasvirlash, organizmdagi ayrim funksiyalarning qanday tartib bilan izdan chiqib borishini kuzatish, qanday bo’lmasin biror organ yoki tizimning boshqalari- dan ko’proq yoki kamroq zararlanishini aniqlash va ularni patomorfologik jihatdan ta’riflab berishdir. Toksikologiyaning ikkinchi bir vazifasi, zararlanish hodisalarining oldini olish usullarini ish­lab chiqishdir, Toksikologiya, shuningdek zaharli moddalarning organizmga ko’rsatadigan zararli ta’siri mexanizmini o’rganish va zaharning biologik ta’siri asosida yotuvchi birlamchi biokimyoviy jarayonlarni aniqlab olishdir.