O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Qo’zg’atuvchining belgilari.Perenospora brassicae.Konidioforalar hujayralarga bo’linmagan, rangsiz, barg teshikcha (ustisa) laridan bitta yoki ikkitadan bo’lib chiqadi, dixotomik shoxlangan, o’lchami 250-450x6-9 mkm. Konidiyalar 1 hujayrali, ellipsoid yoki oval shaklli, o’lchami 11-28x11-24 mkm. Oogoniylar qalin qobiqli, o’lchami 30-50 mkm. Oosporalar ko’pincha to’qima ichida rivojlanadi, dumaloq shaklli, sariq yoki jigarrang tusli, diametri 25-30 mkm, o’simta hosil qilib o’sadi.

Kurash choralari. Issiqxonalarni dezinfeksiyalash; tuproqni almashtirish yoki zararsizlantirish; shamollatib turish; ekishdan oldin urug’ni 48-50°S lik suvda 15-20 min ivitish, darhol, 2-3 min davomida sovuq suvda sovitish, quritish va fungisid bilan dori-lash; nihollarni keragidan ortiq sug’ormaslik; kasal nihollarni yagana qilib, issiqxonadan chiqarib, yo’qotish; kasallik boshlanishi bilan, nihollarga fungisidlar purkash; dalalarda 1- va 2- yil ekinlarini yaqin joylashtirmaslik; urug’lik ekinlarga fungisid va begona o’tlarga qarshi gerbisid purkash; o’simlik qoldiqlarini yo’qotish; kuzda yerni chuqur shudgor qilish tavsiya etiladi (Gerasimov, Osniskaya, 1961; Pidoplichko, 1977a; Peresыpkin, 1982; MacNab et al.,1983; Vyangelyauskayte i dr., 1989; Snev, Mizunov, 1991; Ganiyev, Nedorezkov, 2005).

O’zbekistonda soxta un-shudring issiqxonalar va ochiq dalalarda tarqalgan (Gaponenko, 1960; Kuznesova, Tursumetova, 1970).