O’zbеkiston rеspublikasi oliy va o’rta maxsus ta'lim vazirligi samarqand davlat universiteti Pedagogika fakultеti Boshlang`ich ta'lim metodikasi kafеdrasi

44. 2 xonali sonlar nomerlashni o’zlashtirish uchun metr bilan tanishtirishni qanday qo’llash mumkin?
45. Og’zaki hisob bosqichida o’qituvchi o’quvchilarga bir nechta mashq taklif qildi. 1) 1 o’nl. 3 birl., 1 o’nl. 6 birl., 1 o’nl. 8 birl. dan iborat bo’lgan sonlarni ayting. 2) oldingizga 1 bog’lam cho’p (1 o’nlik) va yana 5 ta cho’p qo’ying. Hammasi bo’lib nechta cho’p qo’ydingiz? 1 tadan cho’p qo‘shib, hosil bo’lgan sonni ayting. 3) oldingizga 2 bog’lam cho’p qo’ying. Ikkinchi bog’lamni yeching. 1 tadan cho’pni olib, hosil bo’lgan sonni ayting. 4) oldingizga 1 bog’lam cho’p (1 o’nlik) va yana 4 ta cho’p qo’ying. Hammasi bo’lib nechta cho’p bo’ldi? 1 ta o’nlikni olib qo’ying. Nechta cho’p qoldi? Agar 4 ta cho’pni olib qo’ysak, nechta qoladi?
Bunday tayyorgarlik ishni o’tkazgandan keyin o’quvchilar quyidagi misollarni mustaqil yechish uchun taklif qilish mumkinmi?
19 –1 16+1 15-5 18-10
10+4 6+10 18-1 17-1
Javoblaringizni asoslang.
Berilgan mustaqil ishni tekshirish uchun o’qituvchi «Sonlarni nomerlash» mavzusining savollarini mustahkamlovchi suhbat o’tqazadi.
Quyida keltirilgan topshiriqni bajarishda qanday masalalar mustahkamlanadi?
A) Javobi 1 ta o’nlik bo’lgan misolni o’qing.
B) O’sish tartibida javoblarni ayting.
G) Son 1 taga kamayadigan misollarni o’qing.
D) Son 1 taga ortadigan misollarni o’qing.
E) Javobi 14 bo’lgan misollarni o’qing. Xuddi shu sonlardan ayirishga doir 2 ta misol tuzing.
46. Quyida keltirilgan maqsadi ikkinchi o’nlik sonlarini nomerlashga oid o’quvchilarning bilimlarini mustahkamlash bo’lgan mustaqil ishni frontal tekshirish uchun suhbat tuzing.
Mustaqil ish.
I- variant II- variant
18-8 10+6 19-9 7+10
10-10 3+2 19-10 5+2
18-1 20-1 19-1 10+4
18+1 13+2 19+1 15+2
47.«11-20 sonlar» mavzusi bo’yicha o’quvchilar bilimlarini tekshirish maqsadida matematik diktant tuzing. (O’quvchilar daftarlariga faqat javoblarini yoza oladigan topshiriqlar tuzilishi kerak).
48. Xona sonlari bilan tanishtirish uchun qanday ko’rgazmali qurollardan foydalanish mumkin? Nima uchun?
49. Darsda «21 –100 sonlar» mavzusi bo’yicha xona sonlarining nomlarini yozilishlarini mustahkamlash uchun o’qituvchi o’quvchilarga quyidagi mashqlarni taklif qildi:
Sonlarni o’qing: 10, 20, 30, 40, 50, 60, 70, 80, 90
Har bir sonni yozishda ishlatilgan raqamlarni ayting.
Sonlarni boshqacha qilib qanday o’qish mumkin: 50 (5 o’nl.), 80, 40, 90?
29 dan katta va 42 dan kichik bo’lgan hamma sonlarni yozing. Faqat o’nliklarni ifodalaydigan sonlarni o’qing.
Boshqa o’qituvchi xuddi shunday darsda boshqacha mashqlarni qo’lladi:
1) 30, 74, 40, 81, 50, 60, 70, 95, 37. Yozuvda faqat 1ta raqam qo’llangan sonlarni ko’rsating. (O’quvchilar misol uchun 74, 70, 37 sonlarini aytadilar va o’qituvchining shuncha savoliga 7 raqami ayirim xollarda o’nliklarni, ayirim xollarda birliklarni ifodalaydi, deb javob beradilar: yoki 74 va 70 sonlarini yoki oxiri 0 bo’lgan 30,40,50,60,70 sonilarni aytadilar).
2) 30, 40, 50, 60, 70 sonlari qaysi tomonlari bilan o’xshash?
3) 1 2 3 4 5 6 7 8 9
10 20 30 40 50 60 70 80 90
Birinchi va ikkinchi qatorlarning mos sonlarini bir biriga taqqoslang (o’quvchilar birinchi qatorda 1, 2, , 9 sonlari birliklarni bildiradilar: ikkinchi qatorda bu raqamlar o’nliklarni bildiradi deb javob beradilar. Birinchi qatordagi sonlar 1 xonali, ikkinchi qatordagi sonlar- 2 xonali). Birinchi qatordagi sonlarning nomlaridan foydalanib, ikkinchi qatorning sonlarini o’qing. (1 o’nl., 2 o’nl., 3 o’nl.,…).