O’zbеkiston rеspublikasi oliy va o’rta maxsus ta'lim vazirligi samarqand davlat universiteti Pedagogika fakultеti Boshlang`ich ta'lim metodikasi kafеdrasi

Topshiriqlar.
25. «20 ichida sonlarni og’zaki nomerlash» mavzusi bo’yicha birinchi darsda o’qituvchi yig’malar taxtasida doiralarni joylashtiradi. Ular 15-20 ta bo’lishi mumkin. Keyin o’quvchilar bilan quyidagi syhbat o’tkazadi:
- Doiralarni bittalab sanang.
- Doiralarni juftlab sanang.
- Beshtalab sanang.
- Narsalarni juftlab, uchtalab sanash mumkin bo’lgan hayotiy misollar keltiring.
- Stol ustida yotgan qalamlarni, daftarlarni juftlab (uchtalab) sanang.
Ushbu suhbat qanday maqsadda olib boriladi? Darsda ishni qanday davom ettirish kerak?
26. O’quvchilarni yangi sanoq birligi – o’nlik bilan tanishtirganda o’qituvchi qanday ko'rgazmali qurollardan foydalanishi kerak? Ushbu ko'rgazmali qurollar bilan olib boriladigan ishni tushintiring.
27. 2 xonali sonlarni nomerlashni o’zlashtirish uchun detsmetr bilan tanishtirish qanday ahamiyatga ega?
28. Nima uchun «Yuzlik» konsentrida sonlarni nomerlashni o’rganishda «11-20 sonlar» bosqichini ajratish maqsadga muvofiq?
29. «Matematika –1» darsligida «11-20 sonlar» mavzusida son (miqdor va tartib) tushunchasini shakllantirish maqsadida qanday rasmlardan foydalanish mumkin?
30. 2 xonali sonning xona tarkibi tushunchasini shakllantirish uchun o’qituvchi qanday ko’rgazmali qurollardan foydalanadi? Ushbu savolni o’rganishda nomoyish va individual kurgazmalarning qo’llanishini tushuntiring.
31. Ko'rgazmali qurol tayyorlang: 10 ta qizil doira va doiralar yopishtirilgan yashil uchburchak. Berilgan ko'rgazmali qurolni qaysi masalani mustahkamlash uchun samarali qo’llash mumkin? Javobingizni aniq misol bilan asoslang. Berilgan ko’rgazmali qurolni sonlarning natural qatorining hosil bo’lish prinsipini mustahkamlash uchun qanday qo’llash mumkin?
32. O’qituvchi mustaqil ish uchun o’quvchilarga topshiriq taklif qildi: «Ushbu qatorda tushirib qoldirilgan sonlarni qo’ying: 8 11 14 16 18 20» Topshiriq qanday maqsadda berilgan?
Quyida keltirilgan mustaqil ishni tekshirish usullarining qaysi biridan yoki bir nechtasidan amalda foydalangan bo’lar edingiz. Tekshirish usullarini nimaga asoslanib tanladingiz?
1. O’quvchilar bilan suhbat:
A) 8 va 11, 11 va 14, 16 va 18, 18 va 20 sonlar orasiga qanday sonlarni qo’ydingiz?
B) Sonni ayting: 8 dan 1ta katta; 11 dan 1 ta kichik; 11dan 1 ta katta; 14 dan 1 ta kichik va hokazo.
D) Agar 8 ni 1 ta orttirsak 11ni 1 ta kamaytirsak; 8 ni 2 ta orttirsak; 14 ni 1 ta kamaytirsak qanday son hosil qilamiz?
2. O’quvchilar ishlarini doskada to’g’ri bajarilgan topshiriq bilan taqqoslash:
Mustaqil ishni bajarib bo’lgandan keyin o’qituvchi doskada yozilgan hosil bo’lgan sonlar qatori taqqoslashni taklif qiladi.
8,9,10,11,12,13,14,15,16,17,18,19,20.
3. O’zaro tekshirish: O’qituvchi o’quvchilarga daftarlar bilan almashish va bir-birlarining ishlarini tekshirishni taklif qiladi.
4. O’quvchilarning doskada ish bajarishlari.
Doskada oldindan sonlar qatori yozilgan: 8 11 14 16 18 20. O’qituvchi navbat bilan o’quvchilarni doskaga chiqaradi. Ular sonlarni darchalarga joylashtiradilar, qolgan hamma o’quvchilar kuzatadilar ularning harakatlarini va ishlarini to’g’rililigini nazorat qiladilar.