O’zbekiston respublikasi oliy va o’rta maxsus ta’lim vazirligi qo’qon davlat pedagogika instituti xamraqulov zafarjon yigitaliyevich

Topshiriq 
Tojikiston
fuqarosi
300
gramm
narkotik
moddani
Dushanbe-Moskva
yo’nalishidagi poezdda O’zbekiston va Qozog’iston orqali Rossiya davlatiga
olib o’tdi. Rossiyada jinoyati fosh bo’lgach, u bir amallab huquqni himoya
qiluvchi organlardan qochib qoldi. Tojikistonga poezd orqali qaytayotganda,
Qozog’istonda Rossiyadan tarqatilgan qidiruv bo’yicha qo’lga tushirildi.
Jinoyatni sodir etgan shaxsni berishni Rossiya va Tojikiston Qozog’istondan
talab qilyapti.
- Jinoyatchining qilmishini kvalifikatsiya
qiling va qaysi davlatda
jazolanishini tushuntiring.

---

24 
talab etiladi. Ushbu ruhiy munosabat to’g’ri qasd, egri qasd, o’z-o’ziga ishonish va 
beparvolik shakllarida bo’ladi. Sodir etilgan jinoyatda mazkur shakllaridan 
birontasining mavjud emasligi shaxsni javobgarlikka tortishdan ozod qiladi.
“Jazoga sazovorlik” jinoyatning to’rtinchi belgisi hisoblanadi. Jazoga 
sazovorlik sodir etilgan qilmish uchun aybdorga nisbatan sud hukmi orqali davlat 
majburlov chorasini qo’llashni anglatadi. Unutmaslik kerakki, jazoga sazovorlik 
uni qo’llashning majburiyligini belgilamaydi. Jinoyat kodeksining Umumiy 
qismidagi qator moddalar qilmishda jinoyat belgilari bo’lsa ham jazo 
qo’llanilishiga yo’l qo’ymaydi. Buni JKning 69-76-moddalari misolida ko’rishimiz 
mumkin.
Umuman olganda, sodir etilgan ijtimoiy xavfli qilmish (harakat yoki 
harakatsizlik) tarkibida yuqoridagi belgilardan birontasi mavjud bo’lmasa, u 
jinoyat sifatida e’tirof etilmaydi. 
 
Jinoyatlar tasnifi va jinoyatchilik
Jinoyatlarni tasniflash xilma-xil mezonlar asosida amalga oshiriladi. 
Ko’pincha huquqshunoslar jinoyatlarning xususiyati va ijtimoiy xavflilik 
darajasiga ko’ra tasniflashni tavsiya etishadi. Ushbu mezonlar asosida jinoyatlar: 
a) ijtimoiy xavfi katta bo’lmagan jinoyatlar; 
b) uncha og’ir bo’lmagan jinoyatlar; 
s) og’ir jinoyatlar; 
d) o’ta og’ir jinoyatlarga bo’linadi. 
Ushbu jinoyatlarni birma-bir ko’rib chiqamiz. 
Ijtimoiy xavfi katta bo’lmagan jinoyatlarga qasddan sodir etilib, qonunda