O‟zbekiston respublikasi oliy va o‟rta maxsus ta‟lim vazirligi qarshi davlat universiteti

Kon‟yunktura 
– vaqtning muayyan muddatida turizm xizmatlariga bo‟lgan 
talab va taklif nisbatini belgilovchi omillar va sharoitlarning o‟zaro aloqasi mahsuli 
sifatida  yuzaga  kelgan  iqtisodiy  vaziyat,  shuningdek  ularning  narxlari  darajasi  va 
dinamikasi.  
Kon‟yunkturani o‟rganish bozorning joriy holati bilan bog‟liq bo‟lgani bois, 
tadqiqotlar  eng  avvalo  korxona  darajasida  qabul  qilinadigan  tijorat  qarorlarini 
asoslashga  qaratilishi  lozim.  Bunda  asosan  turizm  bozorlari  kon‟yunkturasining 
tahlili  amalga  oshiriladi.  Ayni  paytda  iqtisodiy  hayot  hodisalarining  umumiy 
aloqasini  e‟tiborga  olish  talab  etiladi.  Bu  har  qanday  turizm  bozorini  o‟rganish 
umumiy xo‟jalik kon‟yunkturasi va tarmoqdagi ishlarning umumiy holati bilan uni 
bog‟lamasdan, alohida amalga oshirilishi mumkin emasligini anglatadi.  
Turizm  bozori  kon‟yunkturasi  ko‟p  sonli  omillar  ta‟sirida  shakllanadi  va 
rivojlanadi.  Ularning  orasida  iqtisodiy,  siyosiy,  ijtimoiy,  ilmiy-texnikaviy  omillar 
alohida  o‟rin  egallaydi.  Bunda  asosiy  muammo  bozor  kon‟yunkturasining 
shakllanish  omillari  doirasini  aniqlashdan  iborat  emas.  Kon‟yunkturaga  oid  har 
qanday  tadqiqotning  eng  muhim  vazifasi  kon‟yunkturaning  shakllanishiga  ayrim 
omillarning ta‟sir kuchini, muhimlik darajasini, har bir davrda va yaqin kelajakda 
kon‟yunkturani  belgilovchi  etakchi  omillarni  aniqlashdan  iboratdir.  Bu  vazifani 
samarali  hal  qilish  tadqiqotni  o‟tkazishda  bozorda  yuz  berayotgan  barcha  yangi 
hodisalar  va  jarayonlarni  hisobga  olishni  taqozo  qiladi.  Bularning  barchasi 
pirovard  natijada  tahlilning  chuqurligi  va  mufassalligini,  prognozning  aniqligi  va 
to‟g‟riligini ta‟minlaydi. 
Turizm bozori kon‟yunkturasini quyidagilar tavsiflaydi: 

 
turizm xizmatlari talab va taklifining nisbati; 

 
narxlar darajasi; 

 
raqobat holati va bozorga kirish yo‟lidagi to‟siqlar; 

 
mazkur bozorni davlat tomonidan tartibga solish darajasi; 

 
turizm xizmatlarini realizastiya qilish tijorat shartlari; 

 
talabning mavsumiy tebranishlari mavjudligi va boshqa ko‟rsatkichlar.  
Kon‟yunkturani baholashga qo‟yiladigan asosiy metodik talablar: 

 
iqtisodiy hayot hodisalarining umumiy o‟zaro aloqasini hisobga olish; 

 
ayrim  bozorlarda  kon‟yunkturaning  rivojlanish  tendenstiyalarini  boshqa, 
hatto qo‟shni turizm bozorlariga ham ko‟r-ko‟rona ko‟chirish yaramaydi; 

 
kon‟yunkturaning  beqarorligi,  bozorlarda  barqarorlikning  yo‟qligi 
bozorlar  doimiy  ravishda  va  uzluksiz  kuzatilishini  ta‟minlash  zaruriyatini 
belgilaydi; 

 
turizm  bozori  kon‟yunkturasini  o‟rganish  muayyan  ketma-ketlikda 
amalga oshirilishi lozim (19-rasm).  
Tayyorgarlik bosqichi 
Kon‟yunkturaning rivojlanishi ustidan joriy kuzatishlar 
Kon‟yunkturaviy axborot tahlili 
Kon‟yunkturaviy prognozni ishlab chiqish 

---

98