O‟zbekiston respublikasi oliy va o‟rta maxsus ta‟lim vazirligi qarshi davlat universiteti

20-rasm. Korxonaning bozordagi ulushi bilan u olayotgan daromad me‟yori 
o‟rtasidagi bog‟lanish 
Chet  el  turistik  firmalari  amaliyotida  bozor  sig‟imi  va  ulushi  to‟g‟risida 
ma‟lumotlarga  ega  bo‟lish  majburiy  hisoblanadi.  Aks  holda  bozordagi  vaziyatda 
yuz bergan o‟zgarishlarga moslashish qiyin bo‟ladi yoki umuman mumkin emas.  
 
 
8-MAVZU. Turizm bozori kon‟yunkturasining marketing tadqiqotlari 
 
8.1.Kon‟yukturaning mohiyati va ahamiyati 
 
O‟zbekiston Respublikasining xalqaro mehnatni taqsimlashda ishtirok etishi 
xalk  xo‟jaligining  rivojlantirishda  muhim  omillardan  biriga  aylanib  bormoqda. 
MDX  davlatlaridan  iqtisodiy  integrastiya  qilish  tobora  kengayib  va  chuqurlashib 
bormoqda,  G‟arbning  rivojlanib  borayotgan  davlatlari  bilan  savdo  va  iqtisodiy 
aloqalar  xajmi  ortib  bormoqda.  Hozirgi  kunga  kelib  mamlakat  iqtisodiyotining 
tashqi iqtisodiy aloqalarda ishtirok etmagan bironta ham sohasi kolmagan.  
 
Tovar  bozorlarning  kon‟yunkturasi  deyilganda,  bozorning  turli  iqtisodiy 
ko‟rsatkichlarning  o‟zgarishi  bilan  belgilanadigan  shu  kundagi  holati  tushuniladi. 
Mazkur  o‟zgarishlar  avvalo  ishlab  chiqarish  jarayonida  sodir  bo‟lishini  inobatga 
olgan  holda,  ishlab  chiqarishning  sanoat  ishlab  chiqarishi,  mablag‟  bilan 
ta‟minlash,  narxlar  va  hisob  foizi  o‟zgaruvchanligi,  tashqi  va  ichki  savdoning 
o‟zgarishi  va  boshqa  ko‟rsatkichlarda  o‟z  aksini  topuvchi  bosqichma  bosqich 
jarayoni nima ekanligini tushuntirib berish mumkin bo‟ladi. 
 
Shuning  uchun  kon‟yunkturani  jaxon  xo‟jaligining  rivojlanishiga,  alohida 
davlatning  iqtisodiy  holatiga  yoki  ishlab  chiqarishning  har  bir  sohasiga  ta‟sir 
ko‟rsatuvchi omillar va shartlarning yigindisi deb belgilash ham mumkin. Shundan 
kelib  chikkan  holda  iqtisodiyotning  alohida  sohalari  yoki  alohida  tovar 
bozorlarining umumxo‟jalik kon‟yukturasi farqlanadi. 
 
Umumxo‟jalik  kon‟yunkturasi  butun  jaxon  xo‟jaligi  yoki  alohida  davlat 
iqtisodiyotining  ma‟lum  davrdagi  holatini  aks  ettiradi.  Mazkur  holatda  ishlab 
chiqarishning butun jarayoni tulikligicha ko‟rib chiqiladi.  
 
Tovar  bozorlarining  kon‟yukturasi  umumxo‟jalik  kon‟yunkturasidan  farqli 
ularoq, ishlab chiqarish va alohida tovarlarning sotib olish sohasidagi o‟zgarishlar 
va tebranishlarni o‟rganadi.  
Bozor faoliyati - uning kengayishi yoki torayishi, tovar narxlari darajasining, 
extiyoj  va  taklifning  o‟zgarishi-bo‟larning  barchasi  kon‟yukturaga  bog‟liq. 
Kon‟yunkturani  o‟rganish  ishlab  chiqarish,  texnik-iqtisodiy  va  tijoriy 

---

100 
 
masalalarning  keng  doirasini  kamrab  oladi,  bu  esa  o‟z  navbatida  tashqi  iqtisodiy 
aloqalarning samarasini oshirish yullarini topish va tahlil qilish imkonini beradi. 
Turli  omillarning  ishlab  chiqarish  jarayoni  va  har  qanday  tovarning 
muomilada  bo‟lishiga  ta‟siri  bozor  kon‟yukturasining  harakatlanishida  o‟z  aksini 
topadi.  Tovar  bozorlari  kon‟yunkturasi  va  tashqi  iqtisodiy  aloqalar  sohasidagi 
ma‟lum  tezkor  faoliyat  o‟rtasida  kanda  aloqa  mavjud  bo‟lishi  mumkin  va 
kon‟yukturani o‟rganish zaruriyati nima bilan belgilanadi?