Nashr mualliflik huquqi bilan himoyalangan. Kitobni to‘lig‘icha yoki qisman ko‘chirib yoki tarjima qilib foydalanish mumkin emas.
O‘quv qo‘llanma to‘g‘risidagi fikr-mulohazalar va takliflarni quyidagi manzilgayuborishingizni so‘raymiz: dusmuratov62@mail.ru (+99897) 733 43 62
UO‘K: 001.89(075) KBK: 72.4
ISBN 978-9943-13-887-2 © R.D.Dustmuratov, 2019
© “IQTISOD-MOLIYA”, 2019
OTM - Oliy ta’lim muassasasi;
ITM - Ilmiy tadqiqot muassasi;
ITI - Ilmiy tadqiqot instituti;
ITB - Ilmiy tadqiqot byurosi;
OAK - Oliy Attestatsiya Komissiyasi;
ITTKI - Ilmiy-tadqiqot va tajriba-konstruktorlik ishlanmalari;
BBK-KBT - (Bibliotechno-bibliograficheskaya klassifikatsiya - kutubxona bibliografik tasnifi;
TDAU - Toshkent davlat agrar universiteti;
Ph.D (Philosophiae Doctor) - Falsafa doktori;
DSc. (Doctor of Science) - Fan doktori;
KIXII - Katta ilmiy xodim izlanuvchilar instituti;
KIXI - Katta ilmiy xodim izlanuvchi;
MI - Mustaqil izlanuvchi;
IHRT - Iqtisodiy hamkorlik va rivojlanish tashkiloti;
UDK-UO‘T - (Universalnaya desyatichnaya klassifikatsiya - universal o‘nlik tasnif);
FQT - Funksional qiymat tahlili;
YaIM (GDP) - Yalpi ichki mahsulot (Gross Domestic Product);
MD - Milliy daromad
ISBN - (Internotional Standard Book Number) - Kitobning xalqaro standart raqami
KIRISH
O‘zbekiston Respublikasi Prezidenti Sh.Mirziyoyevning 2017-yil 7-fevraldagi «O‘zbekiston Respublikasini yanada rivojlantirish bo‘yicha Harakatlar strategiyasi to‘g‘risida» PF-4947-sonli Farmonida ta’lim va ilm-fanni rivojlantirish ustuvor vazifalar qatorida belgilandi1 2. Shuningdek, O‘zbekiston Respublikasi Prezidenti Shavkat Mirziyoyevning Qishloq xo‘jaligi xodimlari kuniga bag‘ishlangan «Rizq- ro‘zimiz bunyodkori bo‘lgan qishloq xojaligi xodimlari mehnatini ulug‘lash, soha rivojini yangi bosqichga ko‘tarish - asosiy vazifamizdir» mavzusidagi nutqida qishloq xo‘jaligining dolzarb vazifalariga to‘xtalar ekan: «Bir haqiqat hammamizga ma’lum: ilm va izlanish bo‘lmagan joyda hech qanday rivojlanish, yuksalish va umuman, biror-bir sohaning kelajagi bo(lmaydi»2 deb alohida ta’kidladi.
Darhaqiqat, «hozirgi vaqtda rivojlangan mamlakatlar yalpi ichki mahsuloti qo‘shimcha o‘sishining 70-85 foizi ishlab chiqarish va boshqaruvning yangi innovatsion texnologiyalarida mujassamlashgan yangi bilimlar ulushiga to‘g‘ri keladi»3.
Ko‘rinib turibdiki, mamlakatimiz taraqqiyotining hozirgi bosqichida iqtisodiy o‘sishga erishish va aholi turmush sifatini oshirishning ustuvor strategik yo‘nalishi ilm-fanni va innovatsiya faoliyatini rivojlantirish, innovatsion texnologiyalar, mahsulotlar hamda xizmatlar ko‘lamini kengaytirish hisoblanadi.
Bunday ulkan vazifalarni muvaffaqiyatli amalga oshirish, ustun darajada, talabalik davridan boshlab ilmiy-tadqiqot faoliyatining o‘quv-
uslubiy va tashkiliy ta’minotini to‘g‘ri yo‘lga qo‘yishga bog‘liq. Shu maqsadda, baholi qudrat, ushbu o‘quv qo‘llanma tayyorlandi.
«Ilmiy-tadqiqot ishini tashkil etish» fanini o‘rganish natijasida talaba:
fandagi umumilmiy atamalarni;
innovatsiya va innovatsiya faoliyatining mohiyatini;
tadqiqotning umumilmiy (empirik va nazariy) metodlarini;
xususiy metodlar va ularni shakllantirishni;
-gnoseologiya, fanshunoslik va metodologiyaning mazmuni hamda nisbatini;
fandagi falsafiy-gnoseologik va metodologik muammolarni;
-iqtisodiy nazariyalarning iqtisodiy tadqiqotlardagi o‘rni va
ahamiyatini;
-iqtisodiy munosabatlarning tadqiqot obyekti sifatida murakkabligi va xususiyatlarini bilishi kerak.
ilm-fan taraqqiyotining hozirgi bosqichida vujudga kelayotgan asosiy ilmiy dunyoqarashlar va metodologik muammolar yechimini topish;
ilmiy-tadqiqot obyekti, predmeti, maqsadi va vazifalarini to‘g‘ri shakllantirish;
ilmiy-tadqiqot dasturi, rejasi va algoritimlarini tuzish;
aniq ilmiy muammoni qo‘yib, nazariy manbalarni sharhlash, ma’lumot (fakt)larni to‘plash, gipotezalar shakllantirish va ularni isbotlash;
-ilmiy-tadqiqotlarning dastlabki bosqichlarini tashkil etish va o‘tkazish;
ilmiy izlanish, tahlil qilish, eksperiment o‘tkazish, ma’lumotlarga ishlov berish, ilmiy xulosalar shakllantirish hamda tavsiyalar ishlab chiqish ko‘nikmalarini hosil qilishi kerak.
Do'stlaringiz bilan baham: |