O‘zbekiston respublikasi oliy va o‘rta maxsus ta’lim vazirligi o‘rta maxsus, kasb-hunar ta’limi markazi

oddiy 
purkashni 
bajaradi. Bunday purkashda tomchilarning yiriklari 
barglarga yopishib qolmasdan, yerga dumalab tushib ketadi. 
Natijada, o‘simlik ustida dorining oz qismi qolib, ishlov berish 
sifati pasayadi, yerga tushgan tomchilar esa tuproqni zaharlaydi, 
natijada tuproqdagi chuvalchang va boshqa foydali mikro-
organizmlar qirilib ketadi. Dorilash ta’sirini oshirish uchun uning 
eritmasi ko‘proq sarflanadi. Shu sababli, iloji bo‘lsa, oddiy 
miqdorda purkashdan kamroq foydalangan ma’qul. 
Oz miqdorlab 
purkashga erishish uchun, tayyorlangan 
suyuqlik oddiy purkashga nisbatan maydaroq (diametri 100–250 
mkm)
 
zarralarga parchalanadi. Mayda tomchilar barglarga 
yopishib qoladi, yerga kamroq qismi tushib ketadi, ya’ni 
eritmaning sarfi kamayadi, o‘simlikka ta’siri esa kuchliroq 
bo‘ladi. Bir gektar maydonga sarflanadigin eritma miqdori (50 
litrgacha) oddiy purkashga nisbatan 8–10 barovar kamayadi, oz 
miqdorlab purkashni ta’minlaydigan mashinalar murakkab va 
qimmat bo‘ladi. 
O‘ta oz miqdorlab purkashni ta’minlaydigan mashinalar ochiq 
maydonlarda emas, yopiq issiqxonalarda keng ko‘lamda 
ishlatiladi, chunki o‘ta mayda zarrachalarni havo oqimi chet 
tomonga olib ketishi mumkin. Bunday mashina ishchi suyuqlikni 
100 
mkm
dan maydaroq zarrachalarga parchalab, ya’ni to‘zonlatib 
purkaydi. O‘ta oz miqdorda (gektariga 5 litrgacha) purkashda 
kutilayotgan natijaga erishish uchun kerakli miqdori saqlanib 
qoladi, ammo eritma konsentratsiyasi keskin oshiriladi. Zarracha-
larning yopishqoqligini kuchaytirish uchun dori (preparat) suvda 
emas, moysimon, yopishqoq moddalarda eritiladi. Bu usuldan 
foydalanganda, to‘zonlatilgan zarrachalar bevosita zararkunanda 
va barglarga to‘liq yopishib qoladi, o‘simlikka to‘liq shimiladi, 
samarasi yuqori bo‘ladi. Yerga esa tomchilar tushmaydi, suyuqlik 
sarfi oddiy purkashga nisbatan 100 barovargacha kamayadi.