O’zbekiston respublikasi oliy va o‘rta maxsus ta’lim vazirligi navoiy davlat konchilik instituti

1-rasm. Maydalash sxemasi
Dastlabki g’alvirlash jarayoni

Dastlabki g’alvirlash jarayoni maydalagichga kelayotgan mahsulotning miqdorini kamaytirish (maydalagichning maydalangan mahsulotni bo`shatish tuynugidan kichik bo`lgan ruda bo`lakchalarini elash hisobiga) va maydalagichning ishchi zonasidan mahsulotni o`tish tezligini oshirsh uchun qo`llaniladi. Maydalash sxemasiga dastlabki g’alvirlash jarayonini kiritish kapital xarajatlarni ko`payishiga olib keladi. Shuning uchun dastlabki g’alvirlash jarayoni g’alvirlanayotgan mahsulot tarkibida yetarli miqdorda mayda mahsulot bo`lganda va rudaning namligi maydalagichning ish unumdorligini pasaytiradigan darajada yuqori bo`lganda qo`llanadi.

Ikkinchi va uchinchi bosqich maydalashda dastlabki g’alvirlash jarayoni albatta o`rnatiladi.

Zamonaviy fabrikalarda uchinchi bosqich maydalashda dastlabki va nazorat g’alvirlash jarayoni qo`llanilmoqda. Nazorat g’alvirlash jarayoni maydalangan mahsulot tarkibidagi o`lchami bo`shatish tuynugi enidan katta bo`lgan mahsulotlarni ajratib, maydalagichga qaytarish maqsadida qo`llaniladi.

Sharli tegirmonda yanchish uchun optimal bo`lgan 10-12 mm o`lchamdagi maydalangan mahsulotni faqat g’alvir bilan yopiq siklda ishlaydigan mayda maydalovchi konusli maydalagichda olish mumkin.

Shunday qilib, quyidagi maydalash sxemasini qabul qilamiz 1-rasm.

Maydalash sxemasini hisoblashda hamda maydalagich va g’alvirlarni tanlashda dastladki ruda va maydalash mahsulotlarining xususiyatlarini hisobga olish zarur.