О‘zbekiston respublikasi oliy va о‘rta maxsus ta’lim vazirligi navoiy davlat konchilik instituti

Periferiyali qurilmalariga kiritish, chiqarish, ma’lumotlarni tayyorlash va katta hajmdagi informatsiyalarni saqlash funksiyalarini bajaruvchi qurilmalar kiradi. Periferiyali qurilmalari ma’lumotlar mazmunini saqlagan holda ularning ifodalanish shaklini bir ko‘rinishdan boshqachaga o‘zgartiradi. Loyihalashni avtomatlashtirish texnik vositalari kompleksida foydalaniladigan periferiyali qurilmalarini bir necha guruhlarga ajratish mumkin:
1) tashqi xotira qurilmalar - katta hajmli informatsiyalarni saqlash, har xil ma’lumotnoma tavsifidagi informatsiyani, namunaviy loyihaviy yechimlar va sh.k. o‘z ichiga olgan ma’lumotlar bazasini tashkil qilish uchun mo‘ljallangan;
2) kiritish-chiqarish va alfavitli-raqamli informatsiyani hujjatlashtirish qurilmalari - perfotashuvchilardan informatsiyani kiritish-chiqarishni va turli tashuvchilarda olingan loyihaviy yechimlarni hujjatlashtirishni amalga oshiradilar;
3) Kompyuter bilan operativ aloqa qurilmalari - muhandisga ixtiyoriy vaqtda qulay bo‘lgan usulda KL bilan muloqotda bo‘lish imkonini beradi (odatda bular – turli displeylar va nutqiy kiritish-chiqarish qurilmalari);
4) mashina grafikasi qurilmalari - grafik shaklda foydalangan informatsiyani kiritish-chiqarish va hujjatlashtirish uchun mo‘ljallangan;
5) teledostup va kompyuter tarmoqlarini tashkil qiluvchi texnikaviy vositalar - kompyuter bilan loyihalashni avtomatlashtirishning masofadagi foydalanuvchilari orasida, loyihalash tarmog‘i tashkil qilinganda loyihalashni avtomatlashtirish ning texnik vositalari kompleksiga kiruvchi barcha kompyuterlar orasida va loyihalashni avtomatlashtirish texnik vositalari kompleksi va hisoblash tarmog‘i orasida aloqani amalga oshiradi;
6) texnologik jihoz bilan aloqa qurilmalari - loyihalangan ob’yektlar haqidagi ma’lumotlarni oraliq tashuvchilarisiz, bevosita avtomatlashtirilgan ishlab chiqarish tizimlariga, raqamli dasturda boshqariladigan dastgohlarga va boshqa shunga o‘xshash jihozlarga uzatish imkonini beradi;
7) ma’lumotlarni tayyorlash qurilmalari - kompyuter ishtirokisiz, avtonom ravishda turli tashuvchilarga ma’lumotlar va dasturlarni tayyorlash uchun mo‘ljallangan. Ma’lumotlarni tayyorlash qurilmalari boshqa periferiya qurilmalari orasida alohida o‘rin egallaydi, chunki kompyuter bilan elektr yordamida bog‘langan va undan istalgancha uzoqlikda joylashgan bo’lishi mumkin.