O‘zbekiston respublikasi oliy va o‘rta maxsus ta’lim vazirligi namangan davlat universiteti o‘zbek tili va adabiyoti kafedrasi

Muammoning o‘rganilganlik darajasi. 
O‘zbek tilshunosligida ommaviy 
axborot vositalarida keltirilgan siyosiy materiallar, xususan gazetalardagi 
publitsistik uslub, xususan, gazeta tili va uslubi, gazeta janrlarining o‘ziga xos 
xususiyatlari K.Yusupov, A.Boboyeva, S.Muhamedov, T.Qurbonov, 
A.Abdusaidov, D.Teshaboyeva, N.Jumanova kabi tadqiqotchilar tomonidan 
ma’lum darajada tadqiq etilgan. Davlat va nodavlat siyosiy gazeta nashrlarning 
tili maxsus o‘rganilgan emas.
Mustaqillik yillarida nashr etib kelinayotgan muayyan turkumdagi 
gazetalarning siyosiy materiallarini til, xususan, lesik-semantik va uslubiy tahlil 
etishda, ularni shakllantiruvchi manbalarni o‘rganish nafaqat nazariy, balki 
amaliy mohiyatga ega. Mazkur dissertatsiya ishi aynan mana shu jihatlarni 
o‘rganishga qaratilgan. 
Tadqiqotning ob’yekti va predmeti. 
“Yoshlar ovozi” gazetalarida nashr 
etilgan siyosiy publitsistik janrga oid materiallarning til xususiyatlari, uslubiy 
jihatlarini tahlil qilishda o‘zbek tilshunosligida mavjud ilmiy asarlar, darslik va 
qo‘llanmalar, gazeta tiliga oid maxsus tadqiqotlar, publitsistik maqolalar ishning 
ob’ekti va tadqiq materiali hisoblanadi. 

---

7 
Tadqiqotning maqsadi. 
Ishning oldiga qo‘yilgan asosiy maqsad 
“Yoshlar ovozi” gazetalaridagi siyosiy xarakterga ega bo‘lgan publitsistik 
materiallarni leksik-semantik tahlil etish va uslubiy hususiyatlarini o‘rganishdan 
iboratdir. 
Shuningdek tadqiqot oldiga tadqiqot ob’ekti hisoblangan gezatalardagi 
ijtimoiy-siyosiy publitsistik materiallar tilining hozirgi o‘zbek adabiy tilining 
shakllanishidagi rolini ochib berish, publitsistik uslubining shakllanishi va 
rivojlanishidagi o‘rnini ko‘rsatish, leksemalarning ma’no va uslubiy vazifalarini 
tadqiq qilish vazifalari ham belgilab qo‘yilgan.