Gidroekologik
tadqiqotlarni
kengaytirish
va
gidroekologik
ekspertizani keng miqyosda yo‘lga qo‘yishning
ahamiyati yildan-yilga
ortib boradi. Bu masala faqat xalq xo‘jaligi, shu jumladan, suv xo‘jaligi
loyihalariga tegishli bo‘lmay, ma’lum bir hudud, mamlakat yoki
regionning kelajagini belgilaydi. Bu yo‘nalishdagi tadqiqotlar, pirovard
natijada, ishlab chiqarish kuchlarini uzoq va o‘ta uzoq muddatli
rivojlantirish rejalariga ilmiy asos bo‘lib xizmat qiladi. Shu tufayli, ana
shunday ishlarni amalga oshirishda “Gidrologiya” fani va shu fan sohasi
mutaxassislarining o‘rni alohida ahamiyat kasb etadi.
“Gidrologiya” fani, u o‘rganadigan quruqlik suvlari, okeanlar va
dengizlar haqiqatan ham global harakterga ega. Shuning uchun
gidrologiyaning kelajakdagi rivojlanishi bu sohada
xalqaro hamkorlikni
yanada kengaytirish va mustahkamlash
masalalari bilan chambarchas
bog‘liqdir. Masalan, YUNESKO tomonidan qo‘llab-quvvatlab kelingan
178
xalqaro gidrologik dasturlar, mamlakatlararo okeanografik komissiyalar va
ular sababchi bo‘lgan yutuqlar fikrmizning yorqin misolidir.
Gidrologiyaning fan sifatidagi rivoji va gidrologik tadqiqotlar
natijalarining xalq xo‘jaligiga keng tatbiq etish masalalari to‘g‘ridan-
to‘g‘ri mutaxassislar, ayniqsa, yuqori malakali mutaxassislar tayyorlash
sifatini yanada oshirishni talab etadi. Gidrologiya sohasida oliy ta’limni
takomillashtirishda jahon andozalariga mos bo‘lgan zamonaviy bilimlarga
tayanish fanning kelajak istiqbolda yanada jadal rivojlanishiga zamin
yaratadi.
Nazorat savollari va topshiriqlar
1. Suv obyektlari ifloslanishini belgilovchi omillarni eslang.
2. Suv obyektlarini ifloslantiruvchi asosiy manbalarni bilasizmi?
3. Suv obyektlarining issiqlikdan va radioaktiv ifloslanishi qanday
sharoitlarda ro‘y beradi?
4. Suv resurslarini muhofaza qilishning qonuniy asoslari kimlar
tomonidan nazorat qilib boriladi?
5. Suv resurslarini muhofaza qilishning tashkiliy, texnologik va ilmiy
yo‘nalishlarini izohlab bering.
6. Suvdan foydalanish va uni muhofaza qilish sohasida davlat
boshqaruvi organlarining vakolatlari, qanday?
7. Umumiy vakolatga ega bo‘lgan davlat organlariga misol keltiring.
8. Qaysi boshqaruv organlariga maxsus vakolatlar berilgan?
9. Suv resurslarini muhofaza qilishning iqtisodiy va ijtimoiy jihatlari
deganda nimani tushunasiz?
10. O‘zbekistonda suv qonunchiligi va uning suv resurslari sifatini
yaxshilashdagi ahamiyatini yoritib bering.
11. Suv resurslari muhofazasi bo‘yicha mustaqillik yillarida amalga
oshirilgan tashkiliy tadbirlarni eslang.
179
Do'stlaringiz bilan baham: |