O'zbekiston respublikasi oliy va o'rta maxsus ta'lim vazirligi mirzo ulug'bek nomidagi

75-rasm. Akula bosh skeletining yon tomondan ko'rinishi: 1 - rostrum tog’aylari; 2 - hidlov kapsulasi; 3 - ko'z kosasi; 4 - eshituv kapsulasi; 5 - orqa miya chiqadigan qismi; 6 - tanglay kvadrat tog’ayi; 7 - mekkel tog’ayi; 8- gioid; 9-giomandibulyar tog’ayi; 10 - kopula; 11- jabra yoylari; 12 - jabralararo to'sqichni tutib turadigan hil tikanlar; 13 – lab tog’aylari; 14 – bo’g’im; 15 – elastik boylam; 16 – tishlar.
Vitseral skelet bo’g’imlarga bo'lingan, harakatchan bir qancha juft tog’ay yoylaridan iborat. U uch qismga: 1) jabra yoylari, 2) til osti yoyi va 3) jag’ yoylariga bo'linadi. Aksari akulalarning til osti yoyi orqasida besh juft jabra yoylari bo'ladi. Ularning xar qaysisi bir-biri bilan harakatchan birikkan to'rt juft tog’ay elementlardan iborat. Har qaysi jabra yoylarining ustki elementlari elastik paylar orqali umurtqa poqonasiga birikadi. O'ng va chap tomonlardagi jabra yoylarini esa ostki tomondan bir-biri bilan toq tog’ay - kopula birlashtiradi. Ko'pchilik akulalarda kopulalar qo’shilib, bitta toq plastinkaga aylangan, bu qol jabra apparatining ostki tomondan mustahkam bo'lishini ta'minlaydi. Jabra yoyining oldida til osti yoyi, boshqacha aytganda gioid yoyi bor, odatda u faqat ikki juft va bitta toq tog’aylardan iborat bo'ladi.
Til osti yoyining ustki juft elementi boshqa bo'laklarga qaraganda katta bo'lib, giomandibulyar tog’ay, uning ostidagi juft tog’ay giod tog’ay o'ng va chap gioidlarni pastki tomondan o'zaro biriktiruvchi toq tog’ay esa kopula deb ataladi. Miya qutisining eshitish bo'limiga giomandibulyar tog’ayning ustki qismi, pastki qismiga esa harakatchan tarzda jag’ yoyi birikadi (75-rasm).
Shunday qilib, giomandibulyar tog’ay osmalik vazifasini bajaradi, jag’ yoyi uning yordamida miya qutisiga birikadi. Jag’ yoyinning bunday tipda miya qutisi bilan birikishi shostiliya tipdagi birikish deb ataladi.
Jag’ yoyi faqat ikki juft tog’aydan iborat. Bu tog’aylarning ustkisi yuqori jag’ - tanglay kvadrat tog’ay, pastki jag’ vazifasini bajaruvchisi esa mekkel tog’ayi deb ataladi. O'ng va chap tanglay - kvadrat tog’ay va mekkel tog’aylari oldingi tomondan kam o'zaro bir-biriga qo’shiladi. Ko'pchilik akulalar jag’ yoylarining har qaysi tomonida bir juftdan lab tog’aylari deb ataluvchi mayda tog’aychalar joylashgan. Lab tog’aylarning borligi jag’ yoyi birinchi vitseral yoy bo'lmasdan, balki uchinchi vi`tseral yoy ekanligini ko'rsatadi, chunki birinchi va ikkinchi jag’ oldi yoylari reduktsiyalangan (75-rasm).