O'zbekiston respublikasi oliy va o'rta maxsus ta'lim vazirligi mirzo ulug'bek nomidagi

VIII. Juft eshituv nervi. VIII uzunchoq miyaning yon devoridan chiqishi bilanoq miya qutisining devoriga kirib ichki quloqni innervatsiyalaydi. Eshituv nervi faqat sezuvchi nervdir.
IX. Juft til halqum nervi akulaning birinchi jabra yorig’iga borib, ikkita tarmoqi bilan uning oldingi va keyingi qismlarini innervatsiyalaydi. Bu nerv funktsiyasi jihatidan aralash, ya'ni kam sezuvchi, kam harakatlantiruvchi nervdir.
X. Juft adashgan nerv aralash nerv bo'lib, uzunchoq miyaning yonboshidan, keyinchalik bir-biri bilan qo’shilib yo'g’on nerv tomirini hosil qiladigan bir qancha tarmoqlar holida chiqadi. Adashgan nerv bosh miyaning boshqa nervlaridan gavdaning ko'pchilik qismini innervatsiyalashi bilan farq qiladi. Asosiy tarmoqlaridan to'rttasi to'rt jabra yoriqini (ikkinchidan beshinchigacha), beshinchi-ichki organlar yonbosh tarmoqi esa tana va dum bo'limlarining teri sezish organlarini innervatsiyalaydi (79-rasm).
Orqa miya nervlarining orqa va qorin butoqlari har ikki tomondan juft-juft bo'lib birlashib umumiy aralash nervni hosil hiladi. Har bir juft nerv o'ziga tegishli sigmentlarni innervatsiyalaydi. Akulalarda juft suzgich qanotlar rivojlanganligi munosabati bilan elka va bel-dumg’aza nerv chigali hosil bo'ladi. Bu nerv chigallari bir qancha nervlarning go’shilishidan hosil bo'lgan va tegishli juft suzgich qanotlarga boradigan umumiy stvol (tana)dan iborat.
Ishning bajarilishi.
Bosh miya bo'limlarini ko'zdan kechirgach, undan chiqadigan nervlar va ular yirik tarmoqlarining tarqalishi bilan tanishib chiqilsin. Ko'z soqqalarining muskullari va ularga keluvchi nervlarni topgach, quyidagi rasmlarni chizib oling.
1. Akulaning bosh miyasi va undan chiqqan nervlar.
Nazorat savollari:

1. 
   Bosh miya va epifizning tuzilishi qanday?
   
2. 
   Bosh miya nervlarini ayting.
   
3. 
   O'rta miya tuzilishi qanday?
   
4. 
   Juft xidlov va ko'ruv nervlari?
   
5. 
   Juft til halqum va boshqa nervlari?